సంక్రాంతి నుండి థియేటర్లలో సందడి మొదలైంది. ప్రతీ వారం కొత్త సినిమాలు ప్రేక్షకులను పలకరిస్తున్నాయి. గత వారం ‘ఉప్పెన’ సినిమా ప్రేక్షకుల ముందుకు రాగా.. ఈ వారం ఏకంగా నాలుగు సినిమాలు రిలీజ్ కి సిద్ధమవుతున్నాయి. అందులో రెండు డబ్బింగ్ సినిమాలు కూడా ఉన్నాయి. అల్లరి నరేష్ నటించిన ‘నాంది’ సినిమా ఈ శుక్రవారం రిలీజ్ అవుతోంది. ఈ సినిమా నరేష్ కెరీర్ కి చాలా కీలకంగా మారింది. చాలా కాలం తరువాత నరేష్ తన కామెడీ జోనర్ ని పక్కన పెట్టి సీరియస్ తరహా పాత్రలో కనిపించబోతున్నాడు.
ఈ సినిమా ట్రైలర్ ప్రేక్షకులను ఆకట్టుకుంది. సినిమాపై మంచి అంచనాలు ఏర్పడ్డాయి. ఈ సినిమాతో ఖచ్చితంగా హిట్ అందుకుంటాననే నమ్మకంతో ఉన్నాడు నరేష్. ఈ సినిమాతో పాటు సుమంత్ నటించిన ‘కపటధారి’ సినిమా కూడా విడుదలవుతోంది. ఇన్వెస్టిగేషన్ థ్రిల్లర్ గా ఈ సినిమాను రూపొందించారు. ఈ మధ్యకాలంలో ఈ జోనర్ సినిమాలు బాగానే ఆడుతున్నాయి. పైగా సినిమా ట్రైలర్ కూడా బాగానే ఉంది. ఈ రెండు సినిమాలతో పాటు విశాల్ నటించిన ‘చక్ర’ అలానే కన్నడ డబ్బింగ్ సినిమా ‘పొగరు’ రిలీజ్ కాబోతున్నాయి.
అయితే విశాల్ సినిమా ప్రస్తుతం చిక్కుల్లో పడింది. ఈ సినిమాపై కోర్టు స్టే విధించింది. మరి అవన్నీ తప్పించుకొని చెప్పిన టైమ్ కి వస్తుందో లేదో చూడాలి. ఇక ‘పొగరు’ సినిమాలో రష్మిక హీరోయిన్ కావడంతో ఈ సినిమాకి తెలుగులో కాస్త బిజినెస్ జరిగింది. పైగా ఈ సినిమా నుండి విడుదలైన ఓ పాట మాస్ ఆడియన్స్ ని విపరీతంగా ఆకట్టుకుంది. మరి ఈ సినిమాకి ఎలాంటి రెస్పాన్స్ వస్తుందో చూడాలి!
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
