బిగ్ బాస్ హౌస్ లో ఈవారం కెప్టెన్సీ పోటీదారులు అవ్వాలంటే హౌస్ మేట్స్ జంటలుగా విడిపోయి చేపల చెరువు టాస్క్ లో పాల్గొనాలి. ఇందులో భాగంగా బిగ్ బాస్ పైనుంచీ చేపల వర్షం కురిపిస్తాడు. అప్పుడు హౌస్ మేట్స్ చేపని పట్టుకుని బుట్టలో వేసుకుని వాటిని భద్రంగా కాపాడుకోవాలి. ఇక్కడే గీతు – ఆదిరెడ్డి, రేవంత్ – ఇనయ జంటలుగా ఉన్నారు. చేపలు పడేటపుడు అందరూ వాటిని కలక్ట్ చేసుకునేందుకు పైకి చూస్తున్నారు. అప్పుడు రేవంత్ చేపని పట్టుకునేందుకు గీతుని గెంటేసి మరీ వెళ్లాడు.
దీంతో గీతు పక్కకి పడిపోయింది. అసలే చేపలు తక్కువ ఉన్నాయన్న ఫ్రస్టేషన్ లో ఉన్న గీతు ” నీయబ్బా” అంటూ రేవంత్ ని తిట్టింది. దీంతో రేవంత్ సీరియస్ అయ్యాడు. ఆతర్వాత రేవంత్ దగ్గరకి వచ్చిన గీతు కోపంలో అలా వచ్చేసిందని, సారీ అంటూ చెప్పింది. రేవంత్ గేమ్ ఆడేటపుడు ఏదైనా అంటే దాన్ని భూతద్దంలో చూసే అందరూ ఈసారి గీతు అంత మాట అన్నా కూడా ఎవరూ పట్టించుకోలేదు. అంతేకాదు, ఎవరి చేపలని వాళ్లు కాపాడుకునేందుకు చాలా కష్టపడ్డారు.
గీతు – ఆదిరెడ్డి ఫస్ట్ రౌండ్ లో అవుట్ అయిపోయిన తర్వాత గీతు వేరే వాళ్లకోసం గేమ్ ఆఢేందుకు రెడీ అయ్యింది. ఎలాగైనా సరే టాస్క్ లో ఉండాలని అనుకుంది. దీంతో రేవంత్ దగ్గరకి వచ్చి సారీ చెప్పింది. కోపంలో అలా మాట్లాడాను అని, అసలు అలా అని ఉండకూడదని అభిప్రాయపడింది. అయితే, నిన్న టాస్క్ పూర్తి అయిందని బిగ్ బాస్ ఎనౌన్స్ చేసిన తర్వాత రేవంత్ గీతు మాటలకి ఫీల్ అయ్యాడు. నామినేషన్స్ అప్పుడు ఇలాంటి పాయింట్స్ కావాలి కదా.. అందుకే ఆగాను అంటూ మాట్లాడాడు.
గతవారం నామినేషన్స్ లో రేవంత్ గీతుని నామినేట్ చేశాడు. పెరుగు విషయంలో ఇద్దరికీ లొల్లి అయ్యింది. నిన్నటి ఎపిసోడ్ లో కూడా గీతు పెరుగు వేసుకోవడం చూసిన రేవంత్ ఇప్పుడు తనకి పెరుగు ఎట్లా వచ్చిందని ప్రశ్నించాడు. ఈపాయింట్స్ అన్నీ గుర్తుపెట్టుకుని మరీ అడుగుతానని రేవంత్ మాట్లాడాడు. ఏది ఏమైనా గీతు నోరుజారి రేవంత్ కి బలైపోయింది. వచ్చేవారం నామినేషన్స్ లో వీరిద్దరికీ గట్టిగా పడేలాగానే అనిపిస్తోంది. అదీ మేటర్.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
