మొన్నామధ్య జబర్దస్త్ షోలో గెటప్ శీను & గ్యాంగ్ ప్లే చేసిన “బిల్డప్ బాబాయ్” అనే స్కిట్ విపరీతంగా వైరల్ అయిన విషయం తెలిసిందే. ఆ స్కిట్ లోని గెటప్ శీను డైలాగ్స్ ను డీజే రీమేక్ చేసి మరీ ఎంజాయ్ చేశారు జనాలు. ఈమధ్యకాలంలో ఏ డ్యాన్స్ షో చూసిన ఆ రీమిక్స్ సాంగ్ డ్యాన్స్ ఉండాల్సిందే అన్నట్లుగా తయారైంది. తెలుగు రాష్ట్రాల ప్రేక్షకులు మాత్రమే కాదండోయ్.. అమెరికా, ఆస్ట్రేలియా లాంటి దేశాల్లోని ఎన్నారైలు కూడా ఈ పాటకి పెర్ఫార్మెన్స్ కావాలని అడుగుతున్నారట. దాంతో గెటప్ శీనుకి భీభత్సమైన క్రేజ్ వచ్చేసింది. ఒకరి తర్వాత ఒకరు మా కంట్రీకి రమ్మని భారీ ఆఫర్లు ఇస్తున్నారట.
అసలే న్యూఇయర్ ఈవెంట్స్ కి భారీ రేట్స్ చెప్పే జబర్దస్త్ బ్యాచ్ ఇప్పుడు ఈ క్రేజ్ కారణంగా ఆ క్రేజ్ ను డబుల్ ఎమౌంట్ కి క్యాష్ చేసుకొంటున్నారు. వీళ్ళ పుణ్యమా అని యాంకర్స్ కి కూడా మంచి రేటే ముడుతోంది. జబర్దస్త్ లాంటి షోలు చేయడం వల్ల వచ్చే ఎమౌంట్స్ సినిమాలు చేసినా రావడం లేదనే.. వెండితెర అవకాశాలు వస్తున్న బుల్లితెరకే పరిమితమైపోయారు కొందరు కామెడియన్స్. మరి ఈ న్యూఇయర్ కి ఈ బ్యాచ్ అందరూ తమ బ్యాంక్ బ్యాలెన్స్ లు డబుల్, త్రిబుల్ చేసుకొనే పనిలో ఉన్నట్లున్నారు.
