2014 సంవత్సరంలో విడుదలైన లౌక్యం సినిమా తరువాత గోపీచంద్ నటించిన సినిమాలు వరుసగా విడుదలవుతున్నా ఆ సినిమాలు బాక్సాఫీస్ వద్ద ఆశించిన స్థాయిలో సక్సెస్ సాధించడం లేదనే సంగతి తెలిసిందే. గోపీచంద్, తమన్నా హీరోహీరోయిన్లుగా సంపత్ నంది డైరెక్షన్ లో తెరకెక్కిన సీటీమార్ సినిమా ఈ నెల 10వ తేదీన థియేటర్లలో రిలీజ్ కానుంది. ఈ సినిమా కలెక్షన్లను బట్టి తమ సినిమాలను రిలీజ్ చేయాలని పెద్ద సినిమాల నిర్మాతలు భావిస్తున్నారు.
స్పోర్ట్స్ డ్రామాగా ఈ సినిమా తెరకెక్కగా సీటీమార్ ప్రమోషన్స్ లో భాగంగా గత వైఫల్యాల గురించి గోపీచంద్ మాట్లాడుతూ ఆసక్తికర వ్యాఖ్యలు చేశారు. విభిన్నమైన ఎలిమెంట్స్ ఉన్న కథలను తాను ఎంచుకున్నా ఆ సినిమాలను హిట్ సినిమాలుగా మలచడంలో ఫెయిల్ అయ్యామని గోపీచంద్ వెల్లడించారు. సరైన స్క్రిప్ట్ ఎంపికలో ఫెయిల్ అయ్యానని గోపీచంద్ పేర్కొన్నారు. కొన్ని సినిమాలు కథగా బాగున్నా విజువల్ గా బాగోలేవని గోపీచంద్ తెలిపారు. సీటీమార్ సినిమాలో గోపీచంద్ ఏపీ ఏపీ మహిళా జట్టు కోచ్ గా కనిపించనుండగా తమన్నా తెలంగాణ మహిళా జట్టు కోచ్ గా కనిపించనున్నారు.
తమన్నా ఈ సినిమాలో జ్వాలారెడ్డి పాత్రలో తెలంగాణ యాసలో డైలాగ్స్ చెప్పనున్నారు. ప్రముఖ నిర్మాత శ్రీనివాస్ చిట్టూరి ఈ సినిమాను నిర్మిస్తున్నారు. సీటీమార్ సినిమాతో గోపీచంద్ అనుకున్న స్థాయి సక్సెస్ దక్కుతుందో లేదో చూడాల్సి ఉంది. దాదాపు 40 కోట్ల రూపాయల భారీ బడ్జెట్ తో ఈ సినిమా తెరకెక్కినట్టు తెలుస్తోంది.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
