‘హాయ్‌ నాన్న’ సినిమా విడుదలకు దగ్గరవుతోంది కదా… ఏంటి సంగతులు నాని ? అని అడిగితే చాలా విషయాలు చెబుతున్నాడు. అయితే అభిమానులు అడిగితే ఇంకా ఎక్కువ చెబుతాను అని చెప్పే నాని ఇటీవల అదే పని చేశాడు. ట్విటర్‌లో తన అభిమానులు, నెటిజన్లతో ప్రశ్న – సమాధానం కార్యక్రమం నిర్వహించాడు. అందులో నాని చెప్పిన కొన్ని విషయాలు మీరు ఇప్పటికే చూసి ఉంటారు. మహేష్‌బాబు సినిమా గురించి అయితే చదివే ఉంటారు. అయితే ఇంకొన్ని విషయాలు కూడా ఉన్నాయి.
అందులో ‘హాయ్‌ నాన్న’ సినిమా గురించి, ఆ సినిమాలో స్పెషల్‌ సాంగ్‌ చేసిన శ్రుతి హాసన్‌ గురించి, దర్శకుడు శౌర్యువ్‌ గురించి చాలా విషయాలు చెప్పాడు నాని. అలాగే సినిమా రిలీజ్‌ తదిర అంశాలు కూడా చెప్పాడు. అవి కాకుండా ఎన్టీఆర్‌తో దిగిన స్పెషల్‌ ఫొటోను కూడా షేర్‌ చేసి సర్‌ప్రైజ్‌ చేశాడు. అలాగే ‘బలగం’ ఫేమ్‌ వేణుతో ఓ సినిమా చేయాలని అనుకుంటున్నట్లు కూడా చెప్పాడు. ఇవి కాకుండా మిగిలిన విషయాలు కూడా కొన్ని ఉన్నాయి.
కొంతమంది ఫ్యాన్స్‌ అయితే ‘శ్యామ్‌సింగ రాయ్‌’కు ప్రీక్వెల్‌ గురించి అడిగారు. ఆ సినిమాలో తను పోషించిన శ్యామ్‌, సాయిపల్లవి చేసిన రోజీ పాత్ర గురించి అడిగారు. దానికి నాని రోజీ అలియాస్‌ మైత్రీని అడిగి చెబుతా అని సరదాగా సమాధానం ఇచ్చాడు. అలాగే తనకు ‘జెర్సీ’ లాంటి బ్లాక్‌బస్టర్‌ ఇచ్చిన గౌతమ్‌ తిన్ననూరితో మరో సినిమా ఉంటుందా అని అడిగితే… నూటికి నూరు శాతం ఉంది అని చెప్పాడు. మరి ‘దసరా’ స్టైల్‌ సినిమా చేస్తావా అని అడిగితే…
అలాంటి బ్యాక్‌డ్రాప్‌లో చేయడం ఇక నా వల్ల కాదు అని తేల్చేశాడు.మరి నీ సక్సెస్‌ మంత్ర ఏంటి నాని? అని అడిగితే… ‘మంత్ర’లాంటివి లేకపోవడమే నా మంత్ర అంటూ తనదైన శైలిలో కౌంటర్‌ స్టేట్‌మెంట్‌ ఇచ్చాడు. అలా అయితే తెలంగాణ అసెంబ్లీ ఎన్నికల్లో ఓటు వేశారు కదా. ఫలితాలపై మీ అభిప్రాయం చెప్పండి అని అడిగితే.. పదేళ్లు బ్లాక్‌బస్టర్‌ సినిమా చూశాం. థియేటర్‌లో సినిమా మారింది. ఇదీ బ్లాక్‌బస్టర్‌ అవ్వాలని కోరుకుందాం అని సినిమా లాంగ్వేజ్‌లో చెప్పాడు.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
