రామ్ హీరోగా ‘ది వారియర్’ అనే చిత్రం రూపొందింది. జూలై 14న ఈ చిత్రం ప్రేక్షకుల ముందుకు రానుంది. లింగుస్వామి దర్శకత్వంలో తెలుగు, తమిళ భాషల్లో ద్విభాషా చిత్రం గా రూపొందింది ‘ది వారియర్’. కృతి శెట్టి హీరోయిన్ గా నటిస్తున్న ఈ చిత్రంలో ఆది పినిశెట్టి విలన్ గా నటించాడు. ఇక ఈ చిత్రం తర్వాత రామ్.. బోయపాటి శ్రీను దర్శకత్వంలో ఓ పాన్ ఇండియా మూవీ చేయబోతున్న సంగతి తెలిసిందే. ‘ఆయన(బోయపాటి) సినిమాలు హిందీ ప్రేక్షకులకు నచ్చుతున్నాయి..
నా సినిమాలు హిందీ ప్రేక్షకులకు నచ్చుతున్నాయి.. భారం అంతా బోయపాటి పైనే వేశాను’ అంటూ రామ్ ఇటీవల ఓ ఇంటర్వ్యూ చేసిన కామెంట్స్ వైరల్ గా మారాయి. అంతేకాదు ‘హిందీ ప్రేక్షకుల అభిరుచి కి తగినట్లు మిమ్మల్ని మీరు ఏమైనా మార్చుకోవాలని అనుకుంటున్నారా?’ అనే ప్రశ్న రామ్ కు ఎదురైంది. దీనికి రామ్ ఇచ్చిన సమాధానం చాలా బాగుంది. రామ్ ఈ ప్రశ్నకు సమాధానమిస్తూ.. ” హిందీ మార్కెట్ కోసం మనం కొత్తగా చేయాల్సింది ఏమీ లేదు అనేది నా నమ్మకం.
వాళ్ళు హిందీ సినిమాలు చూస్తారు.. కానీ తెలుగు, సౌత్ సినిమాలు చూస్తున్నది మన ఫ్లేవర్ కోసం! మనం క‌న్‌ఫ్యూజ్‌ అయిపోయి బాలీవుడ్ వాళ్ళు ఏం చేస్తున్నారో అది చేస్తామంటే హిందీ ప్రేక్షకులు మన సినిమాల్ని చూడరు. హిందీ మార్కెట్ కోసం మనం ట్రై చేయలేదు.మన సినిమాలు హిందీలో డబ్ అయినప్పుడు వాళ్ళు చూశారు. సో కొత్తగా మనం ఏమీ చేయనవసరం లేదు” అంటూ చెప్పుకొచ్చాడు.
రామ్ చెప్పింది వందకు వంద శాతం నిజం. హిందీ ప్రేక్షకులు మన సినిమాలను చూస్తున్నారు అంటే మన ఫ్లేవర్ ను వాళ్ళు ఇష్టపడి. ‘బాహుబలి’, ‘కె.జి.ఎఫ్’, ‘పుష్ప’ వంటి సినిమాలు హిందీ ప్రేక్షకులను దృష్టిలో పెట్టుకుని తీసినవి కావు. మన సినిమాలను అక్కడ డబ్ చేసినా చూస్తున్నారు, మన సినిమాలను అక్కడ రీమేక్ చేసుకుంటున్నారు అంటే ఈ విషయాన్ని టాలీవుడ్ మేకర్స్ దృష్టిలో పెట్టుకోవాలి. అలా కాకుండా సినిమా అంతా బాలీవుడ్ జనాలతో నింపేస్తే అక్కడ హిట్ అవుతుంది అనుకోవడం అతిశయోక్తి అవుతుంది.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
