టాలీవుడ్ ఇండస్ట్రీలో యంగ్ అండ్ ఎనర్జిటిక్ హీరోగా రామ్ మంచి పేరును సంపాదించుకున్నారు. ఇస్మార్ట్ శంకర్, రెడ్ విజయాలతో జోరుమీదున్న రామ్ ప్రస్తుతం లింగుస్వామి డైరెక్షన్ లో ఒక సినిమాలో నటిస్తున్నారు. అయితే రామ్ తరువాత సినిమాకు బోయపాటి శ్రీను దర్శకత్వం వహించే అవకాశాలు ఉన్నాయని వార్తలు వస్తున్నాయి. ప్రస్తుతం రామ్ యాక్షన్ ఓరియెంటెడ్ సినిమాలపై ఎక్కువగా దృష్టి పెడుతున్నారు. బోయపాటి శ్రీను రామ్ కాంబినేషన్ మూవీ రెండు భాషల్లో తెరకెక్కనుందని బోయపాటి శ్రీను పవర్ ఫుల్ మాస్ మసాలా స్టోరీని సిద్ధం చేశారని తెలుస్తోంది.
అయితే ఈ సినిమాకు సంబంధించి అధికారిక ప్రకటన రావాల్సి ఉంది. అల్లు అర్జున్ బోయపాటి శ్రీను కాంబినేషన్ లో కూడా ఒక సినిమా తెరకెక్కాల్సి ఉండగా ఆ సినిమా ఎప్పుడు పట్టాలెక్కుతుందో తెలియాల్సి ఉంది. ప్రస్తుతం రామ్ పాన్ ఇండియా హీరోగా గుర్తింపు తెచ్చుకోవాలని ప్రయత్నిస్తున్నారు. తన సినిమాలు భారీ బడ్జెట్ తో తెరకెక్కేలా రామ్ జాగ్రత్తలు తీసుకుంటూ ఉండటం గమనార్హం. బోయపాటి శ్రీను దర్శకత్వం వహిస్తున్న అఖండ మూవీ షూటింగ్ రెండు పాటలు మినహా పూర్తైంది.
రామ్ సైతం లింగుస్వామి డైరెక్షన్ లో సినిమా మినహా మరే సినిమాకు గ్రీన్ సిగ్నల్ ఇవ్వలేదు. బోయపాటి శ్రీను డైరెక్షన్ లో నటిస్తే మాస్ హీరోగా ఫ్యాన్ ఫాలోయింగ్ భారీ స్థాయిలో పెరిగే అవకాశాలు ఉంటాయి కాబట్టి రామ్ బోయపాటి శ్రీను డైరెక్షన్ లో నటించడానికి ఆసక్తి చూపిస్తున్నట్టు తెలుస్తోంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
