తెలుగు ప్రేక్షకులకి సిద్దార్థ్ ను ప్రత్యేకంగా పరిచయం చేయాల్సిన పనిలేదు. ‘బాయ్స్’ ‘నువ్వొస్తానంటే నేనొద్దంటానా’ ‘బొమ్మరిల్లు’ వంటి హిట్ సినిమాలతో తెలుగులో కూడా సూపర్ క్రేజ్ ను సొంతం చేసుకున్నాడు సిద్దార్థ్. అతని హవా నడుస్తున్న రోజుల్లో ప్లాప్ టాక్ తెచ్చుకున్న సినిమాలకి సైతం ప్రాఫిట్స్ వచ్చాయి అంటే అతిశయోక్తి అనిపించుకోదు. ఇదిలా ఉండగా.. మరో మూడు రోజుల్లో సిద్దార్థ్ ‘చిన్నా’ అనే సినిమాతో ప్రేక్షకుల ముందుకు రానున్నాడు.
ఈ సినిమా ప్రమోషన్స్ లో అతను మాట్లాడుతూ ప్రభాస్ పై కొన్ని ఆసక్తికర కామెంట్స్ చేశాడు. సిద్ధార్థ్ మాట్లాడుతూ.. “ప్రేక్షకులను ఎంటర్టైన్ చేయడానికి నేను చాలా కష్టపడతాను. వాస్తవానికి కష్టాన్ని కూడా లెక్క చేయను. నా సినిమా తమిళంలో ఉదయనిధి స్టాలిన్ గారి అబ్బాయి రైట్స్ తీసుకున్నాడు. కన్నడలో కేజీఎఫ్ మేకర్స్ రిలీజ్ చేస్తున్నారు, కేరళలో కూడా ఓ టాప్ బ్యానర్ రిలీజ్ చేస్తుంది.
అయితే మొదట తెలుగులో నా సినిమాని రిలీజ్ చేయడానికి ఎవ్వరూ ముందుకు రాలేదు.అలాంటి టఫ్ పీరియడ్లో ఏషియన్ సునీల్, జాన్వీ నారంగ్ గారు నన్ను.. నా చిత్రాన్ని నమ్మి రిలీజ్ చేయడానికి ముందుకు వచ్చారు. ముందుగా నేను సెప్టెంబర్ 28 న నా సినిమా రిలీజ్ చేయాలని అనుకున్నాను.
బహుశా అందుకే ఎవ్వరూ సాహసించి ఉండరు. ఎందుకంటే అదే రోజున ‘సలార్’ రిలీజ్ డేట్ అని అనౌన్స్ చేశారు. ప్రభాస్ కి నేను అభిమానిని. అయినా సరే అదే రోజు నా సినిమా రిలీజ్ కావాలనుకున్నాను. నేనైతే ముందుగా ప్రభాస్ సినిమా చూస్తాను. తర్వాత నా సినిమా చూడటానికి వెళ్తాను. నా (Siddharth) సినిమా పై నాకు ఆ నమ్మకం ఉంది” అంటూ చెప్పుకొచ్చాడు.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
