సందీప్ కిషన్ హీరోగా నటించిన తాజా చిత్రం ‘నిను వీడని నీడను నేనే’. ఈ శుక్రవారం అంటే జూలై 12న ఈ చిత్రం విడుదలకాబోతుంది. ఇప్పటికే విడుదల చేసిన టీజర్, ట్రైలర్లకు పాజిటివ్ రెస్పాన్స్ రావడంతో సినిమా పై మంచి అంచనాలే ఏర్పడ్డాయి. ఇక ప్రమోషన్లలో భాగంగా హీరో సందీప్ కిషన్ ఓ విభిన్న పద్ధతి ఫాలో అవ్వడం సంచలనంగా మారింది. వివరాల్లోకి వెళితే… ప్రియదర్శి తో కలిసి…. సినిమాలో హీరో వాడిన బైకును తన బైక్ అంటూ చెప్పుకుని, అది ఎవరో దొంగతనం చేసారని ఓ వీడియోను క్రియేట్ చేసి ప్రియదర్శి ట్విట్టర్లో పోస్ట్ చేశాడు. ఈ వీడియో చూసిన నెటిజన్లు… ‘ఎప్పుడు… ఎలా’ అంటూ ఎంతో ఆసక్తితో రియాక్ట్ అయ్యారు. నెటిజెన్లతో పాటు పోలీసులు కూడా రియాక్టవ్వడం సంచలనంగా మారింది.
దొంగతనం… జరిగిన లొకేషన్ చెప్పమంటూ… ప్రియదర్శిని పోలీస్ అధికారి ప్రశ్నించాడు. దీంతో ప్రియదర్శి వెంటనే ఆ వీడియోను డిలీట్ చేసేసాడు.వెంటనే సందీప్ కిషన్ స్పందిస్తూ.. ‘అనుకున్నదానికంటే విషయం మరింత సీరియస్ అయ్యింది. ఇది మా సినిమా ప్రమోషన్లలో భాగం మాత్రమే. అది ప్రియదర్శి బైక్, దాన్ని సినిమాలో వాడటం జరిగింది, అందుకే ఈ తరహా ప్రమోషన్స్ చేశాము’ అంటూ ట్వీట్ చేసి సారీ చెప్పాడు. అందుకు పోలీస్ అధికారి సీరియస్ అవ్వగా.. మరోసారి ప్రియదర్శి కూడా సారీ చెప్పాడు. ఈ పోలీస్ అధికారి ఇలా రియాక్ట్ అవ్వడం పై ఓ నెటిజెన్.. ‘సెలబ్రిటీల కు బాగా రియాక్ట్ అవుతారు సర్.. సామాన్యుల గురించి మాత్రం పట్టించుకోరు’ అంటూ ‘షేమ్’ ‘నేస్టి’ అంటూ హ్యాష్ ట్యాగ్ లతో ట్వీట్ చేయడం మరింత సంచలనంగా మారింది.
