పెద్ద ఫ్యామిలీ నుండీ ఎవరైనా హీరోగా ఎంట్రీ ఇస్తున్నారు అంటే.. వాళ్ళ సినిమాకి సంబంధించి చాలా జాగ్రత్తలు తీసుకుంటారు కుటుంబ సభ్యులు అన్నది సంగతి తెలిసిందే. మొదటి సినిమాతోనే ఆడియెన్స్ ను అట్రాక్ట్ చేసేలా స్క్రిప్ట్ ను ఎంపిక చేసుకోవాల్సి ఉంటుంది కుటుంబ సభ్యులు చెయ్యి వేయక తప్పదు. ఈ విషయాలు అన్నీ ఎందుకు చెబుతున్నాను అంటే.. కృష్ణ మనవడిగా మహేష్ బాబు మేనల్లుడిగా జయదేవ్ గల్లా కొడుకు అశోక్ గల్లా హీరోగా ఎంట్రీ ఇస్తున్నాడు.
శ్రీరామ్ ఆదిత్య దర్శకత్వంలో ‘హీరో’ అనే టైటిల్ తో ఈ చిత్రం రాబోతుంది. సంక్రాంతి కానుకగా ఈ చిత్రం విడుదల కాబోతుంది. ప్రోమోస్ అన్నీ ప్రామిసింగ్ గా అనిపిస్తున్నాయి. నిన్ననే ఈ చిత్రానికి సంబంధించి సెన్సార్ కార్యక్రమాలు కూడా పూర్తయ్యాయి.ఎటువంటి కట్స్ లేకుండా యు/ఎ సర్టిఫికెట్ ను జారీ చేశారు సెన్సార్ వారు. ఇదిలా ఉండగా.. నిజానికి అశోక్ గల్లా మొదటి చిత్రం ‘హీరో’ కాదు. ముందుగా ఓ ప్రేమ కథతో డెబ్యూ ఇవ్వాలని భావించాడు.
అదీ దిల్ రాజు బ్యానర్లో..! ‘అదే నువ్వు అదే నేను’ అనే పేరుతో అశోక్ గల్లా హీరోగా ఓ చిత్రం ప్రారంభమైంది. పూజా కార్యక్రమాలు కూడా నిర్వహించారు. కానీ కొన్ని కారణాల వల్ల ఈ చిత్రం సెట్స్ పైకి వెళ్ళలేదు. తర్వాత అశోక్ గల్లా ఈ ప్రాజెక్టు నుండీ తప్పుకున్నాడు. దిల్ రాజు వంటి పెద్ద బ్యానర్లో హీరోగా లాంచ్ అయ్యే అవకాశాన్ని వదులుకున్నందుకు అశోక్ గల్లా పై నెగిటివ్ కామెంట్స్ కూడా వినిపించాయి.
అయితే ఆ చిత్రాన్ని ‘ఇద్దరి లోకం ఒక్కటే’ టైటిల్ తో రాజ్ తరుణ్ ను హీరోగా పెట్టి కంప్లీట్ చేసాడు నిర్మాత దిల్ రాజు. 2019 డిసెంబర్లో విడుదలైన ఈ చిత్రం ప్లాప్ అయ్యింది. బాక్సాఫీస్ వద్ద మినిమమ్ కలెక్షన్లను కూడా ఈ చిత్రం రాబట్టలేకపోయింది. దీని ఫలితం చూసాక అశోక్ గల్లా ఈ ప్రాజెక్టు నుండీ బయటపడడం మంచిదే అయ్యింది అని అంతా అనుకున్నారు. మరి ‘హీరో’ తో అతను ఎలాంటి ఎంట్రీ ఇవ్వబోతున్నాడో చూడాలి..!
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
