పవర్ స్టార్ సినిమా కోసం అన్ని కోట్లా..?

రీఎంట్రీలో పవర్ స్టార్ పవన్ కళ్యాణ్ వరుస సినిమాలను అంగీకరిస్తోన్న సంగతి తెలిసిందే. ప్రస్తుతం ఆయన చేతిలో నాలుగు సినిమాలున్నాయి. వీటికి అదనంగా మరో రెండు సినిమాలు అనౌన్స్ చేసే ఆలోచనలో ఉన్నారు. అయితే వీటన్నింటిలో ఓ సినిమా కోసం భారీగా ఖర్చు పెట్టబోతున్నారని తెలుస్తోంది. టాలెంటెడ్ డైరెక్టర్ క్రిష్ రూపొందిస్తోన్న సినిమాలో పవన్ నటిస్తోన్న సంగతి తెలిసిందే. ఇప్పటికే ఈ సినిమా రెండు షెడ్యూల్స్ ని పూర్తి చేసుకుంది.

ఈ సినిమా పవన్ కెరీర్ లోనే హయ్యెస్ట్ బడ్జెట్ సినిమా అని తెలుస్తోంది. ఈ సినిమా కోసం నిర్మాత ఏఎం రత్నం మొత్తంగా రూ.170 కోట్లను ఖర్చు చేస్తున్నట్లు సమాచారం. ముందుగా ఈ సినిమాను 100 నుండి 120 కోట్ల బడ్జెట్ లో తీయాలనుకున్నారు. కానీ ఇప్పుడు ఈ బడ్జెట్ మరో 50 కోట్లు పెరిగిందని చెబుతున్నారు. ఈ సినిమాలో పవన్ వజ్రాల దొంగగా కనిపించబోతున్నాడు. మొఘల్ నాటి ఫిక్షన్ కథతో తెరకెక్కుతోన్న ఈ సినిమా కోసం భారీ సెట్స్ ను నిర్మిస్తున్నారు.

ఇప్పటికే అల్యూమినియం ఫ్యాక్టరీలో ఓ సెట్ వేశారు. ప్రస్తుతం చార్మినార్ సెట్ వేస్తున్నారు. హైదరాబాద్ శివార్లలో మరో దర్బార్ సెట్ వేస్తున్నారు. దీంతో పాటు రాజస్థాన్, గుజరాత్ రాష్ట్రాల్లో కొన్ని ప్రాంతాల్లో షూటింగ్ ప్లాన్ చేస్తున్నారు. ఈ సినిమాలో పవన్ కళ్యాణ్ సరసన నిధి అగర్వాల్ హీరోయిన్ గా నటిస్తుందట. మరో హీరోయిన్ గా జాక్వెలిన్ ఫెర్నాండేజ్ ను తీసుకున్నారు.

Most Recommended Video

ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!

Read Today's Latest Featured Stories Update. Get Filmy News LIVE Updates on FilmyFocus