రాజమౌళి ‘ఆర్.ఆర్.ఆర్’ సర్ప్రైజ్ అదిరింది : దుబాయ్ లో మొదలైన ‘సర్కారు వారి పాట’ : పవన్ – రానా మూవీ మొదలైంది

యంగ్‌ టైగర్‌ ఎన్టీఆర్, మెగా పవర్ స్టార్ రాంచరణ్ లు.. ‌ హీరోలుగా దర్శక ధీరడు రాజమౌళి తెరకెక్కిస్తున్న ప్రతిష్టాత్మక చిత్రం ‘ఆర్.‌ఆర్.‌ఆర్‌’. ఈ చిత్రంలో అల్లూరి సీతారామరాజుగా చరణ్.. కొమరం భీమ్ గా ఎన్టీఆర్ కనిపించబోతున్నారు. ఇప్పటికే 80 శాతం పైగా షూటింగ్ పార్ట్ ను కంప్లీట్ చేసుకున్న ఈ చిత్రం 2021 అక్టోబర్‌ 13న విడుదల కాబోతున్నట్టు చిత్ర యూనిట్ సభ్యులు సోషల్ మీడియాలో అధికారికంగా ప్రకటించారు.

టాలీవుడ్ సూపర్ స్టార్ మహేష్ బాబు హీరో గా ‘గీత గోవిందం’ ఫేమ్ పరశురామ్ దర్శకత్వంలో తెర‌కెక్కుతోన్న భారీ చిత్రం ‘సర్కారు వారి పాట`. ‘మైత్రీ మూవీ మేకర్స్’, ‘జి.ఎం.బి ఎంటర్టైన్మెంట్స్, ’14 రీల్స్ ప్లస్’ సంస్థలు సంయుక్తంగా నిర్మిస్తోన్న ఈ చిత్రంలో కీర్తి సురేష్ హీరోయిన్ గా నటిస్తోంది. ఇక మ్యూజిక్ సెన్సేష‌న్ త‌మ‌న్ ఎస్.ఎస్. సంగీత సార‌థ్యం వ‌హిస్తున్న ఈ మూవీ రెగ్యుల‌ర్ షూటింగ్ ఈ రోజు దుబాయ్‌లో ప్రారంభ‌మైంది.అందుకు సంబంధించిన ఫోటోలు కూడా వైరల్ అవుతున్నాయి.

పవర్ స్టార్ పవన్ కళ్యాణ్, రాణా దగ్గుబాటి ల కాంబినేషన్ లో ‘సితార ఎంటర్ టైన్మెంట్స్’ పతాకం యువ నిర్మాత సూర్యదేవర నాగవంశీ ఓ చిత్రాన్ని రూపొందిస్తోన్న సంగతి తెలిసిందే.సాగర్.కె.చంద్ర దర్శకత్వం వహిస్తోన్న ఈ చిత్రం రెగ్యులర్ షూటింగ్ ఈరోజు ప్రారంభం అయ్యింది. పవర్ స్టార్ పవన్ కళ్యాణ్ ఈరోజు షూటింగ్లో పాల్గొన్నాడు. మొదట పలు యాక్షన్ సన్ని వేశాలకు శ్రీకారం చుట్టాడు దర్శకుడు.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!