డ‌బ్బింగ్ మొదలుపెట్టిన ‘ట‌క్ జ‌గ‌దీష్’ : మహేష్ కు వదినగా పవన్ మాజీ భార్య : పెళ్ళైనా కాజల్ డిమాండ్ తగ్గలేదు

నాని హీరోగా ‘నిన్ను కోరి’ ఫేమ్ శివ నిర్వాణ డైరెక్షన్లో తెరకెక్కుతోన్న ‘ట‌క్ జ‌గ‌దీష్’ చిత్రం డ‌బ్బింగ్ కార్య‌క్ర‌మాలు మొదలయ్యాయి. ఈ విషయాన్ని దర్శకనిర్మాతలు అధికారికంగా ప్రకటించారు. ఐశ్వర్య రాజేష్, రీతూ వర్మ లు హీరోయిన్లుగా నటిస్తున్న ఈ చిత్రానికి తమన్ సంగీత దర్శకుడు.

పెళ్ళైనప్పటికీ కాజల్ డిమాండ్ ఏమాత్రం తగ్గలేదు. ప్రస్తుతం ‘ఆచార్య’ ‘ఇండియన్2’ వంటి చిత్రాల్లో నటిస్తున్న కాజల్… తమిళ స్టార్ హీరోలైన విక్రమ్, సూర్య వంటి వారి చిత్రాల్లో కూడా హీరోయిన్ గా నటించడానికి ఓకే చెప్పిందట.

మహేష్ బాబు ప్రస్తుతం పరశురామ్(బుజ్జి) డైరెక్షన్లో ‘సర్కారు వారి పాట’ అనే చిత్రం చేస్తున్న సంగతి తెలిసిందే. ఈ చిత్రంలో పవన్ మాజీ భార్య రేణూ దేశాయ్ కూడా ఓ కీలక పాత్ర పోషించబోతుందట. మహేష్ బాబుకి వదినగా ఈ చిత్రంలో రేణూ దేశాయ్ కనిపించబోతుందని సమాచారం.

మెగాస్టార్ చిరంజీవి హీరోగా ‘లూసీఫర్'(మలయాళం) చిత్రం రీమేక్ కాబోతున్న సంగతి తెలిసిందే. తమిళ దర్శకుడు మోహన్ రాజా తెరకెక్కించబోతున్న ఈ చిత్రంలో టాలీవుడ్ ట్యాలెంటెడ్ హీరో సత్యదేవ్ కూడా కీలక పాత్ర పోషించబోతున్నాడట.

తమిళ స్టార్ హీరో విజయ్ నటించిన ‘మాస్టర్’ చిత్రం విడుదలకు ముస్తాబవుతున్న సంగతి తెలిసిందే. ఈ చిత్రంలో ఓ కీలక ఫైట్ లో విజయ్ సిక్స్ ప్యాక్ తో కనిపించబోతున్నాడట. తన 36 ఏళ్ళ సినీ కెరీర్ లో … విజయ్ ఇలా షర్ట్ లెస్ గా కనిపించడం ఇదే మొదటిసారట.

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!