సూపర్ స్టార్ మహేష్ బాబుకు ప్రేక్షకుల్లో ఉన్న క్రేజ్ అంతాఇంతా కాదు. మహేష్ సినిమాకు మాస్ టైటిల్స్ ను ఫిక్స్ చేసిన మెజారిటీ సందర్భాల్లో విజయాలు దక్కాయి. గుంటూరు కారం సినిమాతో మరోసారి మహేష్ బాబు బ్లాక్ బస్టర్ హిట్ సాధించడం ఖాయమని బాక్సాఫీస్ వద్ద మహేష్ బాబు తన దూకుడును ప్రదర్శిస్తాడని అభిప్రాయాలు వ్యక్తమవుతున్నాయి. అయితే గుంటూరు కారం సినిమా గురించి హాలీవుడ్ కు చెందిన వెరైటీ మ్యాగజైన్ ప్రస్తావించింది.
ఒక తెలుగు రీజినల్ సినిమా గురించి హాలీవుడ్ మ్యాగజైన్ ప్రస్తావించడంతో మహేష్ ఫ్యాన్స్ ఆనందానికి అవధులు లేకుండా పోయాయి. మహేష్ బాబు మూవీ టైటిల్ గుంటూరు కారం అని సూపర్ స్టార్ కృష్ణ పుట్టినరోజు సందర్భంగా ఈ టైటిల్ ను ప్రకటించారని వెరైటీ మ్యాగజైన్ ప్రస్తావించింది. మహేష్ బాబు ఈ సినిమాకు 70 కోట్ల రూపాయల రేంజ్ లో రెమ్యునరేషన్ తీసుకున్నారు.
సూపర్ స్టార్ మహేష్ బాబు (Mahesh) ఓవర్సీస్ లో కూడా బిజినెస్ విషయంలో సరికొత్త రికార్డులను క్రియేట్ చేసిన సంగతి తెలిసిందే. మహేష్ బాబు ఈ సినిమా తర్వాత రాజమౌళి డైరెక్షన్ లో 1000 కోట్ల రూపాయల క్రేజీ ప్రాజెక్ట్ లో నటించనున్నారు. రాజమౌళి ఇప్పటికే ఈ సినిమాలో నటించే నటీనటుల ఎంపిక ప్రక్రియను మొదలుపెట్టారు. జక్కన్న ఈ సినిమా కోసం కొత్త టెక్నాలజీలను వినియోగిస్తున్నారని తెలుస్తోంది.
గుంటూరు కారం గ్లింప్స్ కు వ్యూస్ అంతకంతకూ పెరుగుతున్నాయి. ఇప్పటివరకు గుంటూరు కారం గ్లింప్స్ కు ఏకంగా 26 మిలియన్ల వ్యూస్ వచ్చాయి. మహేష్ బాబు తన సినిమాల టైటిల్స్ విషయంలో ఎన్నో జాగ్రత్తలు తీసుకుంటున్నారు. మహేష్ తర్వాత సినిమాలు కూడా బాక్సాఫీస్ వద్ద కొత్త రికార్డులు క్రియేట్ చేయాలని అభిమానులు కోరుకుంటున్నారు.
మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!
మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!
