ఓ హీరో సినిమా ప్రీ రిలీజ్ ఈవెంట్ కు మరో హీరో గెస్ట్ గా రావడం అనేది సర్వసాధారణమైన విషయం. ఇది ఓ రకంగా శుభపరిణామమే. ఎందుకంటే.. సినిమాకి మంచిగా ప్రమోషన్ జరుగుతుంది. ఆ సినిమాకు సంబంధించిన హీరో అభిమానులు మాత్రమే కాకుండా ఆ ఈవెంట్ కు గెస్ట్ గా వచ్చిన హీరో అభిమానులు కూడా ఆ సినిమాని చూస్తారు. ఫలితంగా సినిమాకి మంచి ఓపెనింగ్స్ వస్తాయి. టాక్ బాగుంటే సినిమా ఇంకా పెద్ద హిట్ అవుతుంది.
అయితే ఒక హీరో సినిమా ఈవెంట్ కు ఇంకో హీరో ఎందుకు వెళ్తాడు. ఈ విషయంలో చాలా మంది కన్ఫ్యూజ్ అవుతుంటారు. కేవలం బాండింగ్ వల్ల కాదు. ఆ గెస్ట్ గా వచ్చే హీరో తర్వాతి సినిమాకి సేమ్ నిర్మాత అయ్యి ఉంటే హీరోలు గెస్ట్ లుగా వస్తారు. సరే ఈ విషయాలను పక్కన పెట్టేద్దాం. గత రెండు రోజులుగా విజయ్ హీరోగా దిల్ రాజు నిర్మాణంలో రూపొందుతున్న వారసుడు సినిమా ప్రీ రిలీజ్ ఈవెంట్ కు గెస్ట్ గా పవన్ కళ్యాణ్ వెళ్తాడు అంటూ ప్రచారం జరుగుతుంది.
అయితే ఇందులో నిజం లేదు అన్నది ఇన్సైడ్ టాక్. ఎందుకంటే…. ‘వారసుడు’ ప్రీ రిలీజ్ ఈవెంట్ కు గెస్ట్ గా మహేష్ ను ఆహ్వానించారు. దర్శకుడు వంశీ పైడిపల్లి కూడా అతనికి మంచి స్నేహితుడు కాబట్టి.. మహేష్ కూడా ఇందుకు ఒప్పుకున్నాడు. దిల్ రాజు కూడా మహేష్ తో మూడు సినిమాలు చేశాడు. నాలుగో సినిమా కూడా ఉంటుంది. మరో పక్క ‘వారసుడు’ కి పీవీపీ కూడా ఓ నిర్మాత. అతను కూడా మహేష్ తో రెండు సినిమాలు చేశాడు.
ఇదంతా ఒక ఎత్తైతే.. ‘వారసుడు’ అనేది సంక్రాంతి బరిలో దిగుతున్న మూవీ. అదే సంక్రాంతికి చిరంజీవి నటించిన ‘వాల్తేరు వీరయ్య’ కూడా రిలీజ్ కాబోతుంది. అన్నయ్య సినిమాని కాదని తమ్ముడు(పవన్ కళ్యాణ్) వేరే సినిమా ఈవెంట్ కు వెళ్లి ఆ సినిమాని ఎలా ప్రమోట్ చేస్తాడు. ఒకవేళ పవన్ సిద్ధంగా ఉన్నా.. ‘వారసుడు. మేకర్స్ మహేష్ ను ఎందుకు గెస్ట్ గా రావాలని కోరుతున్నారు. వీటన్నిటికీ సమాధానం దొరకాలంటే అధికారిక ప్రకటన వచ్చే వరకు వెయిట్ చెయ్యాలి.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
