ఇలియానా ఒకప్పుడు సౌత్ లో గోల్డెన్ లెగ్ గా పేరు తెచ్చుకుంది. కేవలం రెండు సినిమాలకే స్టార్ హీరోయిన్ అయిపోయింది. రామ్ హీరోగా వచ్చిన ‘దేవదాస్’ చిత్రంతో మంచి హిట్ అందుకుంది ఇలియానా. ఆ వెంటనే వచ్చిన ‘పోకిరి’ చిత్రం ఇండస్ట్రీ హిట్ అవ్వడంతో ఈమె స్టార్ హీరొయిన్ అయిపొయింది. తరువాత ఈమె వెనక్కి తిరిగి చూసుకోవాల్సిన అవసరం రాలేదు. పవన్ కళ్యాణ్, రవితేజ, ఎన్టీఆర్,ప్రభాస్, అల్లు అర్జున్ వంటి అగ్ర హీరోల సినిమాల్లో నటించే అవకాశాన్ని దక్కించుకుంది.
ఇక్కడ కెరీర్ పీక్స్ లో ఉన్న సమయంలో బాలీవుడ్ పై ఉన్న మోజుతో.. అక్కడికి చెక్కేసి చేతులు కాల్చుకుంది. ఆ తరువాత అక్కడ కూడా ఈమెకు ఆఫర్లు కరువయ్యాయి. ‘అమర్ అక్బర్ అంటోని’ చిత్రంతో సౌత్ కు రీ ఎంట్రీ ఇచ్చినా వర్కౌట్ కాలేదు. ఇక ఇప్పుడు ఇలియానా బాగా లావు అయిపోయింది. ఇప్పుడు వర్కౌట్ లు చేసి సన్న పడాలి అని ట్రై చూస్తుంది కానీ.. అక్కడ ఈమెకు ఆఫర్లు మాత్రం రావడం లేదు.
అయితే బాలీవుడ్లో సూపర్ హిట్ అయిన ‘అందాదున్’ చిత్రాన్ని ఇక్కడ నితిన్ రీమేక్ చేస్తున్న సంగతి తెలిసిందే. ఈ చిత్రంలో అక్కడ టబు.. చేసిన పాత్రకు ఇలియానాను తీసుకోవాలి అని ఈమెను సంప్రదించారట. కానీ ‘ఆమె నెగిటివ్ రోల్ కాబట్టి చెయ్యను’ అని తేల్చి చెప్పేసిందట. దీంతో శిల్పా శెట్టిని తీసుకున్నారని తెలుస్తుంది. ఒకవేళ ఇలియానా కనుక ఈ పాత్ర చేసి ఉంటే.. ఈమెలో మరో ట్యాలెంట్ బయట పడి ఉండేదేమో.
Most Recommended Video
పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!
