ఇస్మార్ట్ శంకర్ సంచలనాలు కొనసాగుతున్నాయి. ఏదో ఒక విధంగా ఈ మూవీ వార్తలలో నిలుస్తుంది. గత ఏడాది డైరెక్టర్ పూరి జగన్నాద్, హీరో రామ్ కాంబినేషన్ లో వచ్చిన ఇస్మార్ట్ శంకర్ మూవీ హిందీ వర్షన్ యూ ట్యూబ్ లో దుమ్మురేపుతోంది. ఈ మూవీ ఏకంగా 100 మిలియన్ వ్యూస్ దాటివేసింది. అది కూడా కేవలం 45 రోజుల్లో సాధించడం విశేషం. ఆదిత్య మూవీస్ వాళ్ళు ఈ చిత్ర హిందీ వర్షన్ ప్రదర్శన హక్కులు దక్కించుకొని ఫిబ్రవరి 16న యూట్యూబ్ లో విడుదల చేశారు.
విడుదల చేసిన మొదటిరోజే ఈ మూవీ విశేష స్పందన దక్కించుకుంది. ఏకంగా 24గంటల్లో 11 మిలియన్ వ్యూస్ సాధించి రికార్డ్ సృష్టించింది. ఇక 100 మిలియన్ వ్యూస్ దాటి సంచలనం రేపింది. 100 మిలియన్ అంటే ఏకంగా ఇప్పటి వరకు ఈ మూవీని 10 కోట్ల మంది యూట్యూబ్ లో వీక్షించారన్న మాట. విశేష ఆదరణ దక్కించుకుంటున్న ఈ మూవీ ఆదిత్య మూవీస్ కి భారీ లాభాలు పంచడం ఖాయంగా కనిపిస్తుంది. ఈ మూవీలోని దిమాక్ ఖరాబ్ సాంగ్ కూడా 100 మిలియన్ వ్యూస్ చేరుకోవడం మరో విశేషం.
గత ఏడాది విడుదలైన ఇస్మార్ట్ శంకర్ 75 కోట్లకు పైగా వరల్డ్ వైడ్ గ్రాస్, 40 కోట్ల షేర్ రాబట్టి రామ్ కెరీర్ లోనే అతిపెద్ద బ్లాక్ బస్టర్ గా నిలిచింది. పూరి కనెక్ట్స్ బ్యానర్ లో ఛార్మి ఈ మూవీని నిర్మించగా నభా నటేష్, నిధి అగర్వాల్ హీరోయిన్స్ గా నటించారు. చాల కాలం తరువాత పూరి మరియు రామ్ ఓ క్లీన్ హిట్ అందుకున్నారు.
Most Recommended Video
‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!
