లాక్ డౌన్ కారణంగా రెండు తెలుగు రాష్ట్రాల్లో ప్రజల రాకపోకలను ప్రభుత్వం నిలిపివేసిన సంగతి తెలిసిందే. ఇలాంటి తరుణంలో బస్సులు, ట్రైన్లు వంటి రవాణా సదుపాయాలు కూడా లేకపోవడంతో మొన్నటి వరకూ రాక పోకలు నిలిచిపోయాయి. అయితే ఇప్పుడు నాలుగవ విడత లాక్ డౌన్ లో బస్సు, ట్రైన్ సదుపాయాలు లేకపోయినా… సొంత వాహనాలు, క్యాబ్ సర్వీసులతో ప్రజలు ప్రయాణిస్తున్నారు. అయితే అలా ప్రయాణించేవారికి.. సరిహద్దులలో మెడికల్ టెస్ట్ లు నిర్వహించి.. ఆ తరువాత సెల్ఫ్ క్వారంటైన్ లో ఉండలనే నిబంధనలతో ఇప్పడు ప్రభుత్వం పెర్మిషన్లు కూడా ఇస్తుంది.
ఇప్పుడు తాజాగా.. ఓ ‘జబర్దస్త్’ కమెడియన్ కు కూడా టెస్ట్ లు నిర్వహించారట. ‘జబర్దస్త్’ లో తన స్కిట్ లతో కడుపుబ్బా నవ్విస్తూ ఉండే రాకెట్ రాఘవ అందరికీ సుపరిచితమే. ఆయన తన ఆంధ్రప్రదేశ్ నుండీ తెలంగాణ వెళుతుంటే.. ఇతనికి కరోనా పరీక్షలు నిర్వహించారట. సూర్యాపేట్ జిల్లా కోదాడ మండలం నల్లబండగూడెం శివారులోని రాష్ట్ర సరిహద్దు వద్ద ప్రతిఒక్కరికీ వైద్యపరీక్షలు చేస్తున్న సంగతి తెలిసిందే.
ఇందులో భాగంగా ‘జబర్దస్త్’ కమెడియన్ రాకెట్ రాఘవ ను కూడా కరోనా పరీక్షలు నిర్వహించినట్టు.. వైద్యాధికారి కళ్యాణ్ చక్రవర్తి తెలిపారు. అంతేకాదు రాఘవను హోమ్ క్వారంటైన్ లో ఉండాలని కూడా సూచించారట. ఇక రాకెట్ రాఘవ పలు సినిమాల్లో కూడా నటిస్తున్న సంగతి తెలిసిందే. ‘ఎఫ్2’ ‘అజ్ఞాతవాసి’ వంటి ఎన్నో చిత్రాల్లో నటించాడు. కమెడియన్ గా ఇంకా ఎన్నో చిత్రాల్లో నటించడానికి కూడా సైన్ చేసాడు రాఘవ.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
