ప్రతి ఒక్కరి జీవితంలో పెళ్లి ఎంతో ముఖ్యమైన ఘట్టమనే సంగతి తెలిసిందే. పెళ్లిని ఘనంగా జరుపుకోవాలనే ఆలోచనతో చాలామంది కొన్ని నెలల ముందునుంచే ప్రణాళికలు సిద్ధం చేసుకుంటూ ఉంటారు. సినిమా హీరోల, హీరోయిన్ల పెళ్లి అంటే మరింత స్పెషల్ గా ఉంటుంది. ధరించే దుస్తుల నుంచి పెళ్లి వేదిక, వంటకాల విషయంలో ఎన్నో జాగ్రత్తలు తీసుకోవడం జరుగుతుంది. కొంతమంది సినిమా తారలు ఇతర దేశాల్లో పెళ్లిళ్లు చేసుకుంటున్నారు. అయితే శ్రీదేవి కూతురు జాన్వీ కపూర్ మాత్రం తిరుపతిలో పెళ్లి చేసుకుంటానని చెబుతున్నారు.
నటనకు ప్రాధాన్యత ఉన్న పాత్రలతో పాటు గ్లామర్ రోల్స్ ను కూడా జాన్వీ కపూర్ ఎంచుకుంటూ ఉండటం గమనార్హం. తాజాగా ఒక ఇంటర్వ్యూలో డ్రీమ్ వెడ్డింగ్ గురించి మాట్లాడిన జాన్వీ కపూర్ ఆసక్తికర విషయాలను వెల్లడించారు. తన పెళ్లి తంతు రెండుమూడు రోజుల్లో ముగిసిపోవాలని ఆమె చెప్పుకొచ్చారు. బ్యాచిలర్ పార్టీని క్యాప్రి ఐలాండ్ లో చేసుకుని ఆ తర్వాత తిరుపతిలో పెళ్లి చేసుకుంటానని జాన్వీ తెలిపారు. చెన్నైలోని మైలాపూర్ లో అమ్మ నివశించిన ఇంటిలో మెహందీ, సంగీత్ కార్యక్రమాలు జరగాలని జాన్వీ అన్నారు.
తాను పెళ్లి చేసుకోబోయే వ్యక్తి తెలివైనవాడు అయితే చాలని ఆమె వెల్లడించారు. పెళ్లికి దక్షిణాది సంప్రదాయ చీరను ధరించడం తన కోరిక అని జాన్వీ కపూర్ చెప్పుకొచ్చారు. ప్రస్తుతం ఈ బ్యూటీ గుడ్ లక్ జెర్రీతో పాటు మరికొన్ని సినిమాలలో కూడా నటిస్తున్నారు. టాలీవుడ్ లోకి జాన్వీ త్వరలో ఎంట్రీ ఇవ్వనున్నారని వార్తలు వస్తున్నాయి.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
