ఈ నెల 11వ తేదీన విడుదలైన జాతిరత్నాలు మూవీలో చిట్టి పాత్రలో అద్భుతంగా నటించి మెప్పించారు ఫరియా అబ్దుల్లా. సినిమాలో ఫరియాకు ఉన్నవి కొన్ని సీన్లే అయినా ఆమె నటనతో ప్రేక్షకులను ఆకట్టుకున్నారు. జాతిరత్నాలు మూవీ బ్లాక్ బస్టర్ హిట్ కావడంతో ఫరియాకు కొత్త సినిమా ఆఫర్లు వస్తున్నాయి. జాతిరత్నాలు సినిమాతో టాలీవుడ్ కు మరో టాలెంట్ ఉన్న హీరోయిన్ టాలీవుడ్ కు దొరికినట్లే అని చెప్పాలి. జాతిరత్నాలు సినిమా విడుదలై వారం రోజులైనా ఈ సినిమాకు కలెక్షన్లు తగ్గడం లేదు.
ఈరోజు మోసగాళ్లు, చావు కబురు చల్లగా, శశి సినిమాలు విడుదల కాగా ఈ మూడు సినిమాలలో ఏ సినిమాకు పాజిటివ్ టాక్ రాలేదు. జాతిరత్నాలు సినిమా ప్రమోషన్స్ లో పాల్గొన్న ఫరియా అబ్దుల్లా ఈ సినిమా గురించి, తన వ్యక్తిగత విషయాల గురించి మాట్లాడుతూ ఆసక్తికరమైన విషయాలను వెల్లడించారు. డాన్స్ విషయంలో ఫరియా ఫేవరెట్ హీరో ఎవరనే ప్రశ్నకు స్టైలిష్ స్టార్ అల్లు అర్జున్ అని సమాధానం ఇచ్చారు. టాలీవుడ్ ఇండస్ట్రీలో చాలామంది స్టార్ హీరోల డ్యాన్స్ తనకు ఇష్టమని.. అయితే ఫేవరెట్ మాత్రం బన్నీ అని ఫరియా తెలిపారు.
రేసుగుర్రం సినిమాలోని సినిమా చూపిస్త మావ పాట తనకు ఎంతో నచ్చుతుందని ఆమె వెల్లడించారు. భవిష్యత్తులో స్టైలిష్ స్టార్ సినిమాలో నటించే ఛాన్స్ వస్తే మాత్రం ఫరియా వదులుకోరనే చెప్పాలి. అయితే ఫరియా స్టార్ హీరోల సినిమాల్లో ఛాన్స్ కోసమే అల్లు అర్జున్ పేరు చెప్పిందని కొందరు నెటిజన్లు అభిప్రాయపడుతున్నారు. టాలీవుడ్ లో ఎత్తు ఎక్కువగా ఉన్న హీరోలకు ఫరియా హీరోయిన్ గా సూట్ అవుతారని చెప్పవచ్చు. జాతిరత్నాలు సినిమాకు కలెక్షన్లు మరింతగా పెంచేందుకు ఫరియా అబ్దుల్లా తన వంతు కష్టపడుతూ ఉండటం గమనార్హం.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!4
