యంగ్ రెబల్ స్టార్ ప్రభాస్ గురించి ఆయనతో పనిచేసిన సహ నటులు ఎవరినైనా ఒక్క మాటలో చెప్పమంటే అస్సలు ఆలోచించకుండా ‘డార్లింగ్’ అంటారు. ఎందుకంటే ఎవరితోనైనా ఆయన డార్లింగ్ మాదిరిగానే ప్రవర్తిస్తారు. ఎంతో ప్రేమగా, ఆప్యాయంగా ఉంటారు. అందుకే ఇండస్ట్రీలో చాలా మంది ప్రభాస్ గురించి కల్మషం లేని వ్యక్తి, మంచి మనసున్న మహారాజు అని ప్రశంసిస్తూ ఉంటారు. ఈ విషయం ఆయన ఎన్నోసార్లు రుజువు చేసుకున్నారు కూడా. అందుకే ఆయన వ్యక్తిత్వానికి సీనియర్ హీరోల నుంచి జూనియర్ల వరకు ఫిదా అయిపోతారు. ఇప్పుడు ఈ లిస్ట్‌లోకి చేరిపోయారు మళయాళ స్టార్ జయరాం.
ప్రభాస్, పూజా హెగ్డే జంటగా తెరకెక్కుతున్న ‘రాధేశ్యామ్’లో జయరామ్ కీలక పాత్రలో నటిస్తున్నారు. ‘సాహో’ తర్వాత యంగ్ రెబల్ స్టార్ ప్రభాస్ చేస్తోన్న చిత్రం కావడంతో అంచనాలు భారీగా వున్నాయి. కరోనా లాక్‌డౌన్‌తో ఆగిపోయిన ఈ చిత్ర షూటింగ్‌ ఇటీవలే పునఃప్రారంభమైంది. ఈ సందర్భంగా ప్రభాస్‌తో దిగిన ఫోటోను ఇన్‌స్టాగ్రామ్‌ అకౌంట్లో పోస్ట్ చేసిన జయరామ్.. ప్రభాస్‌లో నిజాయతీలోనూ సూపర్ అంటూ ఆయనను ఆకాశానికెత్తేశారు. రాధేశ్యామ్ గొప్ప ప్రేమకథా చిత్రమని, ఇది అందరి హృదయాలను తాకతుందని జయరామ్ ఆకాంక్షించారు.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
