మామూలుగానే మొగుడు-పెళ్లాల మధ్య వచ్చే చిన్నపాటి తగాదాలు భలే ముచ్చటగా ఉంటాయి. అలాంటిది స్టార్ కపుల్ ఓ విషయంలో గొడవపడ్డారు అంటే అందరికీ ఆసక్తి పెరిగిపోతుంది. ఇప్పుడు టాలీవుడ్ లో అలా ఆసక్తి పెంచిన జోడీ జూనియర్ ఎన్టీఆర్ (Jr NTR) & ప్రణతి. ఇప్పటివరకు ప్రణతి కనీసం నోరు తెరిచి మాట్లాడిన దాఖలాలు కూడా లేవు. అటువంటి లక్ష్మీ ప్రణతితో ఎన్టీఆర్ ఒక విషయంలో రోజు గడపడేవాడట. గొడవ అంతే అదేదో పెద్ద గొడవ కాదులెండి.
ఏసీ టెంపరేచర్ ఎంతలో ఉండాలి అనే ఓ సరదా విషయంపై ఇద్దరు తరుచూ గొడవపడేవారట. అయితే.. ఎన్టీఆర్ కోసం లక్ష్మీ ప్రణతి కాంప్రమైజ్ అయ్యేదట. అంతే కానీ ప్రణతి కోసం ఎన్టీఆర్ మాత్రం పొరపాటున కూడా కాంప్రమైజ్ అవ్వలేదట. ఈ విషయాన్ని కపిల్ శర్మ షోలో చెప్పుకొచ్చాడు ఎన్టీఆర్. అదే ప్రశ్నను సినిమాలో నటించిన సైఫ్ (Saif Ali Khan) ను అడగగా.. నేను కరీనా కలిసి ఓ ఒప్పందానికి వచ్చాము అని సమాధానం ఇచ్చాడు.
2011లో జూనియర్ ఎన్టీఆర్ ను పెళ్లాడిన లక్ష్మి ప్రణతికి జంటకి ఇద్దరు మగ పిల్లలు. అభయ్ రామ్ & భార్గవ్ రామ్. ఎన్టీఆర్ ఆయన సతీమణిని ముద్దుగా అమ్మలు అని పిలుస్తాడు. ఇద్దరి మధ్యన దాదాపు 9 ఏళ్ల గ్యాప్ ఉన్నప్పటికీ.. ఇద్దరి జంట మాత్రం భలే చూడముచ్చటగా ఉంటుంది.
ఇకపోతే.. లక్ష్మి ప్రణతి త్వరలోనే సొంతగా ఒక బిజినెస్ స్టార్ట్ చేయనున్నట్లు తెలుస్తోంది. స్టార్ హీరోల భార్యలు ఏదో ఒక విధమైన పోష్ బిజినెస్ స్టార్ట్ చేయడం అనేది ఈమధ్యకాలంలో కామన్ అయిపోయింది. మరి ప్రణతి ఏ తరహా బిజినెస్ స్టార్ట్ చేస్తుందో చూడాలి.
