గతంలో ‘బిగ్ బాస్’ రియాలిటీ షోని హోస్ట్ చేసి బుల్లితెర ప్రేక్షకులను అలరించిన యంగ్ టైగర్ ఎన్టీఆర్.. ఇప్పుడు ‘ఎవరు మీలో కోటీశ్వరుడు’ అనే షోని కూడా హోస్ట్ చేస్తూ అలరిస్తున్నాడు. ఈ షోలో ఒక్కొక్క పార్టిసిపెంట్ తో ఎంతో ఆప్యాయంగా మాట్లాడుతూ వారిలో మరింత ఎనర్జీని నింపుతున్నాడు. మధ్య మధ్యలో తన ఫ్యామిలీ లైఫ్ ముచ్చట్లని కూడా చెప్పుకొస్తున్నాడు.ఒకప్పుడు తనకి ‘పెట్స్ అంటే ఇష్టం కానీ ఇప్పుడు వాటి జోలికి వెళ్లడం లేదు’ అని చరణ్ తో జరిగిన కర్టెన్ రైజెర్ ఎపిసోడ్ లో చెప్పుకొచ్చాడు.
అటు తర్వాత ‘తనకి క్రికెట్ అంటే ఆసక్తి తగ్గిపోయింది’ అని దానికి కారణం వాళ్ళ నాన్న గారు అంటూ చెప్పి కంటతడి పెట్టించాడు. ఇక తాజాగా తన పెళ్లి నాటి సంగతులను కూడా గుర్తుచేసుకున్నాడు మన తారక రాముడు. హాట్ సీట్‌లో కూర్చున్న వ్యక్తితో ఎన్టీఆర్.. ‘మీది పెద్దలు కుదిర్చిన పెళ్లట కానీ.. ఎస్ చెప్పడానికి నెల పట్టిందట ఎందుకు?’ అంటూ ప్రశ్నించి తన పెళ్లి నాటి విషయాన్ని చెప్పుకొచ్చాడు ఎన్టీఆర్.”ఈయన కనీసం నెలకైనా మాట్లాడాడు.. నా పెళ్లి చూపులు అప్పుడైతే మా ఆవిడ నాతో అస్సలు మాట్లాడలేదు.
మా వైఫ్ ను చూడగానే నేను ఎస్ చెప్పి వెళ్లిపోయాను. మా ఆవిడ మాత్రం నాకు ఎస్ చెప్పలేదు.ఆ తర్వాత .. ఎస్ ఆర్ నొ. నేనంటే ఇష్టమేనా లేక బలవంతంగా నిశ్చయించారా? అని అడిగాడు. మా పెళ్లి చూపులకి ,పెళ్లికి మధ్యలో 8 నెలల గ్యాప్ వచ్చింది.ఆ ఈ 8 నెలల్లో ఒక్కసారి కూడా ఆమె ఎస్ అని చెప్పింది లేదు.దీనిని బట్టి నేను అర్థం చేసుకున్న విషయం ఏంటంటే.. ఆడవాళ్లని అర్థం చేసుకున్నవాడు దేన్నైనా అర్థం చేసుకుంటాడు..ఏదైనా సాధిస్తాడు. మోస్ట్ సక్సెస్ ఫుల్ పర్సన్‌గా నిలుస్తాడు’ అంటూ ఎన్టీఆర్ చెప్పుకొచ్చాడు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
