ఈ ఏడాది సంక్రాంతి బరిలో దిగుతున్న మరో హీరో కళ్యాణ్ రామ్. ఆయన ‘ఎంత మంచివాడవురా’ అంటూ సంక్రాంతి హీరోలలో అందరి కంటే చివర్లో జనవరి 15న వస్తున్నారు. కాగా ఈ చిత్ర ప్రీరిలీజ్ వేడుకకు ముహూర్తం ఖరారు చేశారు. ఈనెల 8న హైదరాబాద్ జే ఆర్ సి కన్వెన్షన్ హాల్ నందు సాయంత్రం 7:00 గంటల నుండి నందమూరి అభిమానుల మధ్య, సినీ ప్రముఖుల సమక్షంలో జరగనుంది. ఈ వేడుకకు ముఖ్య అతిథిగా కళ్యాణ్ రామ్ తమ్ముడు ఎన్టీఆర్ వస్తున్నారు.
ఐతే ఎన్టీఆర్ టాలీవుడ్ లో అతిపెద్ద ఫ్యాన్ బేస్ కలిగిన హీరోలలో ఒకరు. ఆయన ఈ సినిమా వేడుకకు ముఖ్య అతిధిగా రావడం వలన కొంత మేర కలిసొచ్చే అంశమే. కానీ ఎన్టీఆర్ కూడా నందమూరి కుటుంబానికి చెందిన హీరో కాబట్టి మిగతా స్టార్ హీరోల అభిమానులు ఈ వేడుకపై పెద్దగా ఆసక్తి చూపరు.దీంతో నందమూరి అభిమానులు మాత్రమే ఈ వేడుకకు హాజరయ్యే అవకాశం కలదు. కాబట్టి కళ్యాణ్ రామ్ తన మూవీ ప్రీ రిలీజ్ వేడుకకు మరో స్టార్ హీరోని అతిధిగా ఆహ్వానించి ఉండాల్సింది, అని కొందరి వాదన.
టాలీవుడ్ లో స్టార్ హీరోలుగా ఉన్న ప్రభాస్, రామ్ చరణ్ వంటి స్టార్స్ ని అతిధులుగా పిలిస్తే ఆ సినిమాకు చాలా వరకు ప్రచారం దక్కుతుంది.ఎటూ వేడుకకు వచ్చిన సదరు స్టార్ హీరో సినిమా గురించి.. కళ్యాణ్ రామ్ గురించి గొప్పగా చెప్పే అవకాశం ఉండటం వలన మంచి ప్రచారం దక్కి, ఓపెనింగ్ వసూళ్లు చేజిక్కించుకునే మార్గం ఏర్పడుతుంది. అలా కాకుండా తమ్ముడు ఎన్టీఆర్ ని పదే పదే తన సినిమా ప్రమోషన్స్ కి పిలిచినా పెద్ద ప్రయోజనం ఏమీ ఉండదని కొందరి అభిప్రాయం. దర్శకుడు సతీష్ వేగేశ్న ఎంత మంచివాడవురా చిత్రాన్ని పక్కా ఫ్యామిలీ ఎంటర్టైనర్ గా తెరకెక్కించగా..మెహ్రిన్ హీరోయిన్ గా నటిస్తుంది.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
