ఆర్ఆర్ఆర్ సినిమాలో చరణ్, తారక్ హీరోలుగా నటించిన సంగతి తెలిసిందే. దర్శకుడు రాజమౌళి ఇద్దరు హీరోలను సమానంగా చూపించాలని ప్రయత్నం చేసినా ఎన్టీఆర్ అభిమానులు మాత్రం స్క్రీన్ స్పేస్ విషయంలో ఒకింత ఫీలయ్యారు. చరణ్, తారక్ వేర్వేరుగా వివరణ ఇచ్చినా చరణ్, తారక్ ఫ్యాన్స్ మాత్రం అస్సలు మారడం లేదు. తాజాగా ఈ సినిమా నుంచి నాటునాటు ఫుల్ వీడియో సాంగ్ విడుదలైంది. నాటునాటు సాంగ్ కు యూట్యూబ్ లో అంచనాలకు మించి వ్యూస్ వస్తున్నాయి.
ఈ సాంగ్ లో ఇద్దరు హీరోలు డ్యాన్స్ విషయంలో అదరగొట్టారు. ఒకే సాంగ్ లో చరణ్, తారక్ లను చూసి తమకు గూస్ బంప్స్ వస్తున్నాయని ప్రేక్షకులు కామెంట్లు చేస్తున్నారు. అయితే ఈ పాట విడుదలైన తర్వాత కూడా చరణ్, తారక్ అభిమానుల మధ్య యుద్ధం ఆగడం లేదు. నాటు నాటు పాటలో తమ హీరో బాగా చేశాడంటే తమ హీరో బాగా చేశాడంటూ ఫ్యాన్స్ గొడవ పడుతున్నారు.
ఈ ఫ్యాన్ వార్స్ ముదరడంతో హీరోలే తలలు పట్టుకుని బాధ పడాల్సిన పరిస్థితి నెలకొంది. తమ ఫేవరెట్ హీరో బాగా చేస్తే అవతలి హీరో కాలు సరిగ్గా కదపలేదని, ఫేస్ ఎక్స్ ప్రెషన్లు సరిగ్గా ఇవ్వలేదని కామెంట్లు చేస్తున్నారు. భవిష్యత్తులో స్టార్ హీరోలు మల్టీస్టారర్లు చేయలంటే భయపడే విధంగా కొందరు అభిమానుల ప్రవర్తన ఉండటం గమనార్హం. అవతలి హీరో ఫ్యాన్స్ ను హర్ట్ చేసేలా మరో హీరో ఫ్యాన్స్ కామెంట్లు చేస్తున్నారు.
చరణ్ తారక్ స్నేహంగా ఉంటే ఫ్యాన్స్ మాత్రం తరచూ గొడవలు పడుతుండటం గమనార్హం. ఆర్ఆర్ఆర్ సినిమా అంచనాలను మించి కలెక్షన్లను సాధించగా కొందరు ఫ్యాన్స్ చేసిన పనుల వల్ల హీరోల పరువు పోతుండటం గమనార్హం. టాలీవుడ్ ఇండస్ట్రీలోని బిగ్గెస్ట్ బ్లాక్ బస్టర్ హిట్లలో ఆర్ఆర్ఆర్ మూవీ ఒకటిగా నిలిచింది. ఆర్ఆర్ఆర్ ఫుల్ రన్ లో ఏ స్థాయిలో కలెక్షన్లను సొంతం చేసుకుంటుందో చూడాల్సి ఉంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
