బాలకృష్ణ హీరోగా బోయపాటి శ్రీను డైరెక్షన్లో ముచ్చటగా మూడో చిత్రం తెరకెక్కుతోన్న సంగతి తెలిసిందే. గతంలో వీరిద్దరి కాంబినేషన్లో వచ్చిన ‘సింహా’ ‘లెజెండ్’ చిత్రాలు బ్లాక్ బస్టర్లుగా నిలిచాయి. ఇప్పుడు తెరకెక్కుతోన్న చిత్రంతో బాలయ్య- బోయపాటి కచ్చితంగా హ్యాట్రిక్ కొడతారని అభిమానులు ఆశిస్తున్నారు. ఇప్పటికే బాలయ్య పుట్టినరోజున ఈ చిత్రానికి సంబంధించి.. ‘బి.బి3 ఫస్ట్ రోర్’ పేరుతో ఓ చిన్న ప్రోమోని విడుదల చెయ్యగా దానికి అద్భుతమైన స్పందన లభించింది. దాంతో ఈ సినిమా పై అమాంతం అంచనాలు పెరిగిపోయాయనే చెప్పాలి.
అయితే ఈ చిత్రం టైటిల్ ఏంటి అనే విషయం పై చిత్ర యూనిట్ సభ్యులు ఇంకా క్లారిటీ ఇవ్వలేదు. ఇదిలా ఉండగా.. బాలకృష్ణ- బోయపాటి సినిమాలో నందమూరి కళ్యాణ్ రామ్ కూడా ఓ కీలక పాత్రలో కనిపిస్తున్నాడు అనే టాక్ ఇప్పుడు ఊపందుకుంది. ఇంటర్వెల్ కు ముందు వచ్చే ఓ చిన్న సీన్లో కళ్యాణ్ రామ్ పోలీస్‌ ఆఫీసర్‌ పాత్రలో కనిపిస్తాడని టాక్ వినిపిస్తుంది. ఇది నిజమే అయితే నందమూరి అభిమానులకు పండగనే చెప్పాలి.
ఇక కళ్యాణ్ రామ్ మరో పక్క ఓ సోసియో ఫాంటసీ చిత్రంలో నటించడానికి రెడీ అవుతున్నాడు.40కోట్ల భారీ బడ్జెట్ తో ఈ చిత్రం తెరకెక్కబోతుందని సమాచారం.మరో విశేషం ఏమిటంటే ఈ ప్రాజెక్టుని కళ్యాణ్ రామే నిర్మించబోతున్నాడట.కరోనా లాక్ డౌన్ కు ముందే ఈ చిత్రానికి సంబంధించి ఓ సెట్ కూడా వేశారని అప్పట్లో ప్రచారం జరిగిన సంగతి తెలిసిందే.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
