బాలీవుడ్ లో ప్రస్తుతం మూవీ ఆఫర్లతో బిజీగా ఉన్న హీరోయిన్లలో కంగనా రనౌత్ కూడా ఒకరు. కంగనా నటించిన తలైవి సినిమా ఈ నెల 10వ తేదీన థియేటర్లలో రిలీజ్ కానుంది. ఈ సినిమా ప్రమోషన్స్ లో భాగంగా కంగనా మాట్లాడుతూ ఆసక్తికర విషయాలను వెల్లడించారు. తెలుగులో కంగనా రనౌత్ ప్రభాస్ కు జోడీగా ఏక్ నిరంజన్ అనే సినిమాలో నటించిన సంగతి తెలిసిందే. ఏక్ నిరంజన్ మూవీ బాక్సాఫీస్ వద్ద ఆశించిన స్థాయిలో సక్సెస్ సాధించలేదు.
ఏక్ నిరంజన్ ఫ్లాప్ కావడంతో కంగనా రనౌత్ కు ఎక్కువ సంఖ్యలో తెలుగులో సినిమా ఆఫర్లు రాలేదు. తమిళంలో జయంరవికి జోడీగా ధూమ్ ధామ్ అనే సినిమాలో కంగనా రనౌత్ నటించారు. ఆ సినిమా కూడా తమిళంలో ఆశించిన స్థాయిలో సక్సెస్ సాధించలేదు. అయితే బాలీవుడ్ లో మాత్రం వరుస విజయాలతో కంగనా స్టార్ హీరోయిన్ స్టేటస్ ను సొంతం చేసుకున్నారు. తెలుగులో తనకు ఛాన్స్ ఇచ్చిన పూరీ జగన్నాథ్ ను మరో ఛాన్స్ అడుగుతున్నానని కంగనా తెలిపారు.
ప్రభాస్ కు జోడీగా మరో ఛాన్స్ ఇప్పించాలని పూరీని కోరుతున్నానని కంగనా అన్నారు. కంగనా కోరికను పూరీ జగన్నాథ్, ప్రభాస్ తీరుస్తారో లేదో చూడాల్సి ఉంది. జయలలిత పాత్రలో నటించడానికి తాను చాలా కష్టపడ్డానని ఈ మూవీ కచ్చితంగా బ్లాక్ బస్టర్ హిట్ గా నిలుస్తుందని కంగనా రనౌత్ చెప్పుకొచ్చారు. తనకు మోడీ హయాంలో మాత్రమే కాదని కాంగ్రెస్ హయాంలో కూడా అవార్డులు వచ్చాయని కంగనా రనౌత్ కామెంట్లు చేశారు.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
