కన్నడ సినీ ఇండస్ట్రీలో నటుడుగా ఎంతో మంచి గుర్తింపు సంపాదించుకున్న నటుడు సుదీప్ గురించి ప్రత్యేకంగా చెప్పాల్సిన పనిలేదు. ఈయన ఈగ సినిమా ద్వారా విలన్ గా తెలుగు ప్రేక్షకులకు పరిచయమయ్యారు. అనంతరం పలు సినిమాలలో సపోర్టింగ్ పాత్రలలో నటిస్తూ తెలుగు ప్రేక్షకులకు ఎంతో సుపరిచితమయ్యారు. ఈ విధంగా తెలుగు హిందీ భాషలలో సినిమాలు చేస్తూ ఎంతో ఫ్యాన్ ఫాలోయింగ్ సంపాదించుకున్న సుదీప్ తాజాగా విక్రాంత్‌రోణ అనే సినిమా ద్వారా ప్రేక్షకుల ముందుకు రాబోతున్నారు.
ప్రముఖ సంస్థ జీ స్టూడియోస్ సమర్పణలో శాలిని ఆర్ట్స్ బ్యానర్‌పై జాక్ మంజునాథ్, శాలిని మంజునాథ్ నిర్మాణంలో తెరకెక్కిన ఈ సినిమాకి అనుప్‌ భండారి దర్శకత్వం వహించారు. ఇక ఈ సినిమాలో సుదీప్ సరసన జాక్వెలిన్ ఫెర్నాండెజ్ హీరోయిన్ గా నటిస్తోంది. పాన్ ఇండియా స్థాయిలో ఐదు భాషలలో విడుదల కాబోతున్న ఈ సినిమా ఈనెల 28వ తేదీ ప్రేక్షకుల ముందుకు రానుంది. ఈ సినిమా విడుదల తేదీ దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.
ఈ సినిమా ప్రమోషన్ కార్యక్రమాలలో భాగంగా సుదీప్ పలు రాష్ట్రాలలో పెద్ద ఎత్తున మీడియా సమావేశంలో మాట్లాడుతూ సినిమా ప్రమోషన్ కార్యక్రమాలను నిర్వహిస్తున్నారు. ఇకపోతే నేడు హైదరాబాద్, చెన్నై కొచ్చిన్ తదితర ప్రాంతాలలో ఈయన ప్రెస్ మీట్ లో పాల్గొనాల్సి ఉంది. అయితే ఈయన షెడ్యూల్ ఖరారు అయిన తర్వాత అనుకోకుండా హీరో అస్వస్థతకు గురి కావడం వల్ల ప్రయాణం చేయలేకపోయారు.
దీంతో సోషల్ మీడియా వేదికగా ఈయన మీడియా ప్రతినిధులకు క్షమాపణలు చెబుతూ ప్రస్తుతం అనారోగ్యం కారణంగా తాను ప్రయాణం చేయలేకపోతున్నానని త్వరలోనే మిమ్మల్ని కలుసుకోవడానికి ఎదురు చూస్తుంటాను అంటూ బహిరంగంగా క్షమాపణలు చెప్పారు.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
