లాక్‌డౌన్‌ టైమ్‌లో తెలుగు ప్రేక్షకులు ఓటీటీల్లో చాలా సినిమాలు చూసేశారు. అందులో తెలుగు సినిమాల కన్నా, ఇతర భాషల సినిమాలు ఎక్కువ అని సినీ వర్గాల అంచనా. అలా చూసిన సినిమాల్లో ‘దియా’ కూడా ఒకటి. కన్నడలో వచ్చిన ఈ ప్రేమకథ గురించి ప్రేమికుల రోజున ఓ తీపికబురు. ఏంటి సమంత ఈ సినిమా చేయడానికి ఓకే చెప్పేసిందా అంటారా. ఇలా అనుకునేవాళ్లకు బ్యాడ్‌ న్యూస్‌ కానీ.. ఆ సినిమాను తెలుగులో చూద్దాం అనుకునేవాళ్లకు మాత్రం గుడ్‌ న్యూస్‌.
ఈ సినిమాను తెలుగులో విడుదల చేయడానికి నిర్మాతలు సిద్ధమయ్యారట. ఓటీటీల్లో అనుకునేవారు… థియేటర్లలోనట. అవును ‘దియా’ త్వరలో తెలుగు రాష్ట్రాల్లో థియేటర్లలో సందడి చేయబోతోంది. ఇప్పటికే ఈ సినిమాకు సంబంధించిన అనువాద కార్యక్రమాలు చివరిదశకొచ్చాయట. త్వరలోనే సినిమా ప్రచార కార్యక్రమాలు మొదలుపెడతారని తెలుస్తోంది. లాక్ డౌన్ కి ముందు అంటే గతేడాది ఫిబ్రవరి 7న విడుదలై బ్లాక్‌బస్టర్‌గా నిలిచింది. కె.ఎస్‌.ఎస్‌ అశోక దర్శకత్వం వహించిన ఈ ముక్కోణపు ప్రేమ కథలో ఖుషీ రవి, పృథ్వీ అంబర్, దీక్షిత్ శెట్టి అద్భుతంగా నటించారు.
ఈ సినిమాను ఓటీటీలో తెలుగు ప్రేక్షకులకు అందించడానికి తెలుగు నిర్మాతలు ప్లాన్‌ చేశారు. దాని కోసం డబ్బింగ్ పనులు పూర్తి చేశారు. అయితే అవుట్‌ పుట్‌ నచ్చి ఇప్పుడు ఏకంగా థియేటర్లలోనే తీసుకురావాలని చూస్తున్నారట. ఓటీటీ రిలీజ్ కంటే థియేటర్ రిలీజ్ చేస్తే బాగుంటుందనే ఫీడ్‌ బ్యాక్ రావడంతో ఈ దిశగా ఆలోచిస్తున్నారట. త్వరలో మిగిలిన పనులు పూర్తి చేసుకొని రిలీజ్ డేట్‌ ప్రకటిస్తారని భోగట్టా.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
