‘బాహుబలి’, ‘ఆర్ఆర్ఆర్’ వంటి సినిమాలతో ఇంటర్నేషనల్ లెవెల్ లో క్రేజ్ సంపాదించుకున్నారు దర్శకుడు రాజమౌళి. ఇప్పుడు ఆయన తన తదుపరి సినిమా మహేష్ బాబుతో చేయబోతున్నారు. ఈ సినిమా ఎప్పుడు మొదలవుతుందా..? అని ఆసక్తిగా ఎదురుచూస్తున్నారు అభిమానులు. దానికి ఇంకా చాలా సమయం ఉంది. అయితే ఇప్పటినుంచి ఈ ప్రాజెక్ట్ కి సంబంధించి రకరకాల వార్తలు సోషల్ మీడియాలో చక్కర్లు కొడుతున్నాయి. ఇప్పటికే రాజమౌళి క్యాస్టింగ్ కి సంబంధించిన పనులు మొదలుపెట్టినట్లు సమాచారం.
ఆయన సినిమాల్లో విలన్స్ ఎంత పవర్ ఫుల్ గా ఉంటారో తెలిసిందే. మహేష్ బాబు సినిమాలో కూడా విలన్స్ అదే రేంజ్ లో ఉంటారని సమాచారం. మహేష్ కి ధీటుగా ఇందులో రెండు విలన్ రోల్స్ ఉంటాయట. అందులో ఒకదానికోసం కోలీవుడ్ హీరో కార్తితో సంప్రదింపులు జరుపుతున్నట్లు సమాచారం. లైన్ విన్న కార్తి పాజిటివ్ గా స్పందించినట్లు వార్తలొస్తున్నాయి. రాజమౌళి సినిమాలో ఛాన్స్ కాబట్టి కార్తి వదులుకోవడానికి రెడీగా లేడని ప్రచారం జరుగుతోంది.
ఇదివరకు కార్తి తెలుగులో కొన్ని సినిమాలు చేశారు. ఆయన తమిళ సినిమాలన్నీ ఇక్కడ డబ్ అయి రిలీజ్ అవుతుంటాయి. హీరోగా మంచి ఫామ్ లో ఉన్న కార్తి.. విలన్ గా చేస్తాడా..? అనే సందేహం కలగక మానదు. కానీ రాజమౌళి విలన్ పాత్రలు ఏ రేంజ్ లో ఉంటాయో తెలిసిందే. యాక్షన్ బ్యాక్ డ్రాప్ లో సాగే ఈ ఎంటర్టైనర్ ప్రేక్షకులను అలరించడం ఖాయం.
ప్రస్తుతం మహేష్ బాబు.. త్రివిక్రమ్ తో సినిమా చేస్తున్నారు. అది పూర్తయిన తరువాతే రాజమౌళి సెట్స్ పైకి వెళ్తారు. అప్పటివరకు రాజమౌళి ప్రీప్రొడక్షన్ పనులతో బిజీ కానున్నారు. ఈ సినిమా తీయడానికి జక్కన్న ఎన్నేళ్లు తీసుకుంటారో మరి!
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
