కోలీవుడ్‌ మాస్‌ యాక్షన్‌ హీరోల్లో కార్తి ఒకరు. ప్రయోగాత్మక సినిమాలు చేస్తూ కెరీర్‌ ప్రారంభించిన కార్తి.. ఇప్పుడు పూర్తి స్థాయి మాస్‌ యాక్షన్‌ హీరో అయ్యాడు. అలాంటి యాక్షన్‌ హీరో… WWE స్టార్లతో కలిస్తే అదిరిపోతుంది కదా. ఇప్పుడు అదే జరిగింది. WWE స్టార్ డ్రూ మేకింటైర్‌తో కలసి కార్తి ఓ వీడియోలో కనిపించాడు. అతని ఫేమస్‌ పంచ్‌లు, మరో స్టార్ WWE ప్లేయర్‌ రోమన్‌ రెయిన్స్‌ పంచ్‌లు వేసి వావ్ అనిపించాడు.
యాక్షన్‌ సినిమాల ప్రియులకు ఫుల్‌ మీల్స్‌ లాంటి షో ఏదైనా ఉందా అంటే అది WWE. చాలా రోజుల నుండి ఈ షో రన్‌ అవుతోంది, అదే సమయంలో మన దేశంలోనూ అందుబాటులో ఉంది. అయితే జరిగిన రోజుకు, మనకు ప్రసారమైన రోజుకు మధ్యలో చాలా రోజుల గ్యాప్‌ ఉంటుంది. అయితే ఇటీవల WWE టీమ్‌ మన దేశంపైనా దృష్టి సారించింది. షో జరిగిన వెంటనే మన దగ్గర ప్రసారం చేస్తోంది. అయితే ఇప్పుడు ఈ షోను రీజనల్‌ లాంగ్వేజెస్‌ కోసం కూడా అందుబాటులోకి తీసుకొచ్చారు.
రీజనల్‌ లాంగ్వేజ్‌లో వస్తున్నాం అని చెప్పడానికి సోనీ టీమ్‌ రెండు ప్రోమోలు చేసింది. తెలుగు, తమిళ ప్రోమోల్లో డ్రూ మేకింటైర్‌తో కార్తి కనిపించాడు. ఈ క్రమంలో ఇద్దరి మధ్య సంభాషణలు, యాక్షన్‌ సీన్స్‌ అదిరిపోయాయి అని చెప్పొచ్చు. ఫన్నీగా, ఫుల్‌ లెంగ్త్‌ యాక్షన్‌తో రూపొందిన ఆ ప్రోమోలు ఇప్పుడు వైరల్ అవుతున్నాయి. కార్తి చేసిన యాక్షన్‌ సీన్స్‌ అయితే WWE ఫ్యాన్స్‌కి కిక్‌ ఇస్తాయని చెప్పొచ్చు.
ఇక కార్తి ఫ్యాన్స్‌కి అయితే డ్రూ మేకింటైర్‌ మూవ్స్‌ ఇంకా నచ్చుతాయి. అనవసరంగా కంగారు పడ్డావ్‌.. స్కాటిష్‌ వారియర్‌ని మొదలుపెట్టమంటా అంటూ మొదలయ్యే ఈ ప్రోమో.. పంచ్‌ డైలాగ్‌తో ముగుస్తుంది. ఈ విషయాలు పక్కనపెడితే.. WWE స్టార్లతో కార్తిని చూస్తే రెండు కళ్లు చాలవు అనుకోండి. ఆ స్టైల్‌, కిక్స్‌ భలే అంటే భలే ఉన్నాయి అనుకోండి.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
