సాధారణంగా పవర్ స్టార్ పవన్ కళ్యాణ్ సినిమాలో చిన్న పాత్ర పోషిస్తున్నారు అంటేనే.. ఆర్టిస్ట్ లు, టెక్నిషియన్లు పెద్ద ఎత్తున సోషల్ మీడియాలో హడావిడి చేస్తుంటారు. ఈ మధ్యకాలంలో ‘వకీల్ సాబ్’ చిత్రానికి మ్యూజిక్ అందిస్తున్న తమన్ ఎంత హడావిడి చేసాడో ప్రత్యేకంగా చెప్పనవసరం లేదు. అయితే పవన్ కళ్యాణ్ – క్రిష్ కాంబినేషన్లో తెరకెక్కుతోన్న ఓ చిత్రానికి సంగీతం అందిస్తున్న కీరవాణి మాత్రం పవన్ సినిమా గురించి సమయం వచ్చినప్పటికీ స్పందించకపోవడం ఇప్పుడు పెద్ద చర్చనీయాంశంగా మారింది. ఈ మధ్యనే క‌రోనా నుండీ కోలుకున్న కీరవాణి మరియు అతని త‌న‌యుడు కాల‌భైర‌వ..
ఇటీవల కిమ్స్ ఆసుప‌త్రిలో రెండ‌వ సారి ప్లాస్మా దానం చేశారు. సోషల్ మీడియా వేదికగా ఈ విషయాన్ని వెల్లండించారు కీరవాణి. దాంతో పాటు.. ప్రస్తుతం రాజమౌళి డైరెక్షన్లో చేస్తున్న భారీ మల్టీ స్టారర్ ‘ఆర్.ఆర్.ఆర్’తో పాటు మరో రెండు కొత్త చిత్రాల‌కు ప‌ని చేస్తున్న‌ట్టు కూడా కీరవాణి తెలిపారు. అందులో క్రిష్ నిర్మాణంలో వైష్ణ‌వ్ తేజ్‌ హీరోగా తెరకెక్కుతోన్న చిత్రం ఒకటి కాగా.. మ‌రొక‌టి దర్శకేంద్రుడు కె. రాఘ‌వేంద్రరా‌వు గారు నిర్మించే సినిమా మరొకటని తెలిపాడు.! అయితే ప‌వ‌న్‌క‌ల్యాణ్ – క్రిష్ డైరెక్షన్లో తెరకెక్కుతోన్న సినిమా గురించి మాత్రం కీరవాణి ప్ర‌స్థావించ‌లేదు. దాంతో ఈ విషయం కాస్త హాట్ టాపిక్ గా మారింది.
కావాలనే కీరవాణి పవన్ ప్రాజెక్టు గురించి చెప్పలేదా లేక ఆ ప్రాజెక్టు మొదలవ్వడానికి ఇంకా టైం పడుతుందని భావించి.. కంగారులో మరిచిపోయారా? అనే కన్ఫ్యూజన్లో పవన్ ఫ్యాన్స్ ఉన్నారు. అయితే మరికొందరు మాత్రం కీరవాణి ఈ మధ్య కాలంలో కొంచెం అతి చేస్తున్నారని మండిపడుతున్నారు.’మత్తు వదలరా’ సక్సెస్ మీట్ లో.. ‘ ఫ్లాప్ అయిన సినిమాలకే ఇలా సక్సెస్ మీట్లు పెట్టి హడావిడి చేస్తారని.. టాలీవుడ్లో ఇదొక ట్రెండ్ అని’ కీరవాణి చేసిన కామెంట్స్ ను గుర్తుచేసుకుంటున్నారు. అయితే కీరవాణి మనసులో ఏముందో.. ఈ విషయం పై ఆయన ఎలా రియాక్ట్ అవుతారో చూడాలి..!
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
