‘మహానటి’ చిత్రంతో ఒక్కసారిగా స్టార్ హీరోయిన్ గా ఎదిగింది కీర్తి సురేష్. అప్పటి నుండీ ఈమెకు పెద్ద పెద్ద సినిమాల్లో నటించే అవకాశాలు వస్తున్నప్పటికీ ఈమె మాత్రం… తనకు మంచి పేరు తెచ్చిపెట్టే సినిమాలే చేస్తూ వస్తుంది. ఓ పక్క స్టార్ హీరోల సినిమాల్లో హీరోయిన్ గా నటిస్తూనే మరోపక్క హీరోయిన్ ఓరియెంటెడ్ సినిమాలు కూడా చేస్తూ బిజీగా గడుపుతుంది. ఇదే క్రమంలో మహేష్ బాబు హీరోగా తెరకెక్కుతోన్న ‘సర్కారు వారి పాట’ వంటి పెద్ద చిత్రంలో నటిస్తూనే మరో పక్క నటనకు ప్రాధాన్యత ఉన్న చిత్రాన్ని ఓకే చేసిందట.
వివరాల్లోకి వెళితే.. గోపీచంద్ హీరోగా తేజ డైరెక్షన్లో ఓ చిత్రం తెరకెక్కుతోన్న సంగతి తెలిసిందే. ‘అలివేలుమంగ వేంకటరమణ’ పేరుతో ఈ చిత్రం తెరకెక్కనుంది. గతంలో తేజ డైరెక్షన్లో తెరకెక్కిన ‘జయం’ ‘నిజం’ వంటి చిత్రాల్లో విలన్ గా నటించాడు గోపీచంద్. ఆ చిత్రాల్లో గోపి నటనకు కూడా మంచి మార్కులుపడ్డాయి.దాంతో ‘అలివేలుమంగ వేంకటరమణ’ చిత్రం పై మంచి అంచనాలే ఏర్పడ్డాయి. ఇక ఈ చిత్రంలో హీరోయిన్ గా కీర్తి సురేష్ ఎంపికయ్యిందట.
ముందుగా అనుష్క, కాజల్ వంటి వారిని ఈ చిత్రంలో హీరోయిన్లుగా తీసుకోవాలి అని దర్శకనిర్మాతలు అనుకున్నప్పటికీ.. కొన్ని కారణాల వల్ల ఈ ఆఫర్ ను వాళ్ళు రిజెక్ట్ చేసినట్టు తెలుస్తుంది. అయితే తేజ చిత్రాల్లో హీరోయిన్లకు మంచి పాత్రలే పడతాయి.ఆ రకంగా చూస్తే కీర్తి సురేష్ లోని మంచి నటిని ఈ చిత్రం మళ్ళీ పరిచయం చేసే అవకాశం ఉందని కామెంట్స్ వినిపిస్తున్నాయి.
Most Recommended Video
చిన్నపిల్లలుగా మారిపోయిన ‘బిగ్ బాస్4’ కంటెస్టెంట్స్.. ఎలా ఉన్నారో మీరే చూడండి..!
‘సర్జరీ’ చేయించుకున్న హీరోయిన్లు వీళ్ళే!
భీభత్సమైన బ్లాక్ బస్టర్ ఇచ్చిన హీరోలే తరువాత భయంకరమైన డిజాస్టర్లు కూడా ఇచ్చారు…!
