సాధారణ కథానాయికగా తెలుగు పరిశ్రమలో అడుగుపెట్టి… ‘మహానటి’తో స్టార్ నాయికగా మారిపోయింది కీర్తి సురేష్. ఆ తర్వాత ఆమెకు వరుసగా అవకాశాలు వచ్చిపడుతున్నాయి. అయితే ‘మహానటి’ ఇచ్చిన ఇమేజ్‌.. ఆమెను ఏ సినిమా పడితే ఆ సినిమా చేయనివ్వలేదు. దీంతో సినిమాల విషయంలో కాస్త నెమ్మదించింది. కానీ రికార్డులు, ఘనతల విషయంలో మాత్రం దూసుకుపోతోంది. తాజాగా ఫోర్బ్స్ జాబితాలో చోటు సంపాదించింది. ఫోర్బ్స్ 30 అండర్‌ 30 పేరుతో విడుదల చేసిన జాబితాలో కీర్తి చోటు దక్కించుకుంది.
30 ఏళ్ల కంటే తక్కువ వయసులో ఉన్న బెస్ట్‌ పీపుల్‌ జాబితాను విభాగాల వారీగా ఫోర్బ్స్ ఇండియా విడుదల చేస్తుంటుంది. ఇందులో చోటు దక్కితే సూపర్‌ అని అంటుంటారు. అలాంటి లిస్ట్‌ మన మహానటి వచ్చి చేరింది. టాప్‌ 30లో 28వ స్థానంలో నిలిచింది. ఎంటర్‌టైన్మెంట్‌ విభాగంలో కీర్తికి అవకాశం దక్కింది. ఇంతమంది యువ నాయికలు ఉండగా, కీర్తికి ఈ అవకాశం దక్కడం గొప్పే కదా. ఇదే విషయాన్ని ఫోర్బ్స్ ట్వీట్‌ ద్వారా తెలియ జేసింది.
ఫోర్బ్స్ ట్వీట్‌ను రీట్వీట్‌ చేస్తూ కీర్తి సురేష్ తన ఆనందాన్ని పంచుకుంది. ‘ఫోర్బ్స్ జాబిలలో చోటు సంపాదించుకోవడం చాలా గర్వంగా ఉందని పేర్కొంది. ఈ అవకాశం తనకు దక్కడం గర్వకారణం అంటూ రాసుకొచ్చింది. విశేషం ఏంటంటే కీర్తి ప్రస్తుత వయసు కూడా 28 కావడమే. అంటే 28 ఏళ్ల వయసుకు బెస్ట్‌ లిస్ట్‌లో 28వ స్థానంలో నిలిచింది. ఆల్‌ ది బెస్ట్‌ కీర్తి సురేష్.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
