మలయాళ బ్యూటీ కీర్తి సురేష్ “నేను శైలజ” చిత్రం ద్వారా తెలుగు సినీ పరిశ్రమలోకి అడుగు పెట్టి విజయాన్ని సొంతం చేసుకుంది. తొలి సినిమాతోనే యువత హృదయాలను కొల్లగొట్టింది. ఆ తర్వాత తమిళ చిత్రాలతో బిజీకావడంతో తెలుగు సినిమా చేయలేకపోయింది. ఆమె నటించిన రెమో తెలుగులో డబ్ చేసి విడుదల చేశారు. ఇది కూడా సూపర్ హిట్ అయింది. త్వరలో నాని తో కలిసి “నేను లోకల్” మూవీ తో రానుంది. ఈ భామ యువ హీరోలతో పాటు స్టార్ హీరోల సరసన అవకాశాలను అందుకొని టాలీవుడ్ టాప్ హీరోయిన్లకు పోటీ ఇవ్వడానికి సిద్ధమైంది.
పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో రానున్న మూవీలో కీర్తి సురేష్ ప్రధాన కథానాయికగా ఎంపికైంది. హ్యాట్రిక్ డైరక్టర్ కొరటాల శివ దర్శకత్వంలో మహేష్ బాబు నటించనున్న ఫిల్మ్ లోను ఛాన్స్ కొట్టేసింది. ధృవ తర్వాత రామ్ చరణ్ తేజ్, సుకుమార్ డైరక్షన్లో చేయనున్న ప్రాజక్ట్ లో హీరోయిన్ గా కీర్తిని అనుకుంటున్నారు. ఆమె డేట్స్ అనుకూలంగా ఉంటే ఫిక్స్ చేయాలనీ సుకుమార్ భావిస్తున్నారు. ఇలా టాలీవుడ్ టాప్ హీరోలు అందరూ ఆమె వెనుక పడ్డారు.
Also, do SUBSCRIBE to our YouTube channel to get latest Tollywood updates.
