నిన్నటి నుండి కెజిఎఫ్ డైరెక్టర్ పై కన్నడ చిత్రపరిశ్రమలో నిరసనలు వెల్లువెత్తిన సంగతి తెల్సిందే. ఆయన ఎన్టీఆర్ తో మూవీ చేస్తున్నట్లు హింట్ ఇచ్చిన నాటి నుండి ఆయనపై వారు యుద్ధం ప్రకటించారు. ఏకంగా గెట్ లాస్ట్ అంటూ తిట్టిపోయడం మొదలుపెట్టారు. కన్నడ చిత్ర పరిశ్రమకు చెందిన హీరోల ఎదుగుదలకు ఆయన స్కిల్స్ ఉపయోగించాలని డిమాండ్ చేశారు. ఒక విధంగా ఎన్టీఆర్ తో మూవీ చేయవద్దని ,చేస్తే ఊరుకునేది లేదన్నట్లు సోషల్ మీడియా ద్వారా సందేశం పంపారు.
ఈ విషయం ప్రశాంత్ నీల్ వరకు చేరింది. దీనితో ఆయన యూ టర్న్ తీసుకున్నాడా అనే అనుమానం రేగుతుంది. అందుకు ఆయన తాజా వ్యాఖ్యలే కారణం. తాజా ఇంటర్వ్యూలో ప్రశాంత్ నీల్ మాట్లాడుతూ.. ‘నాకు ఇంత పేరు రావడానికి కారణం కన్నడ ఇండస్ట్రీ మరియు కన్నడ ప్రజలు. నా డీ.ఎన్.ఏ లోనే కన్నడ ఉంది. ఇప్పటికిప్పుడు నా తదుపరి ప్రాజెక్ట్ గురించి చెప్పలేను. ఎందుకుంటే నా ఫోకస్ అంతా ‘కేజీఎఫ్’ చాప్టర్2 పైనే ఉంది.
కానీ ఒక్కటి గట్టిగా చెప్పగలను, నా నెక్స్ట్ చిత్రాలన్నీ కన్నడలోనే ఉంటాయి’ అన్నారు. ఈ స్టేట్మెంట్ ఎన్టీఆర్ ఫ్యాన్స్ కి షాక్ ఇవ్వడమే కాకుండా డైలమాలో పడవేసింది. ఇంతకీ ఎన్టీఆర్ తో ఈయన సినిమా చేస్తున్నాడా లేదా అని వారు చెప్పుకుంటున్నారు. అలాగే కన్నడ పరిశ్రమలో లేచిన నిరసన జ్వాల, ప్రశాంత్ నీల్ మనసు మార్చి వేసింది అనే అనుమానం కలుగుతుంది. అక్కడ వారి కోపానికి లోబడి ఈయన యూ టర్న్ తీసుకున్నాడా అన్న అనుమానం రేగుతుంది.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
