కన్నడ సినిమా అయినప్పటికీ.. ‘కె.జి.ఎఫ్ చాప్టర్ 1’ చిత్రం తెలుగులో కూడా బ్లాక్ బస్టర్ గా నిలిచిన సంగతి తెలిసిందే. దర్శకుడు ప్రశాంత్ నీల్ ఈ చిత్రంలో హీరో యష్ ను ప్రెజెంట్ చేసిన విధానం అందరినీ ఆకట్టుకుంది. ఇప్పుడు ఈ చిత్రానికి సీక్వెల్ రూపొందుతోన్న సంగతి కూడా అందరికీ తెలిసిందే. ‘బాహుబలి’ తరువాత పాన్ ఇండియా లెవల్లో విజయం సాధించిన సినిమా ‘కె.జి.ఎఫ్ చాప్టర్1’ కాబట్టి ‘కె.జి.ఎఫ్2’ పై కూడా భారీ అంచనాలు నెలకొన్నాయి.
ఆ అంచనాలకు ఏమాత్రం తగ్గకుండా ఈ చిత్రాన్ని భారీ బడ్జెట్ తో నిర్మిస్తున్నారు. బిజినెస్ కూడా భారీ స్థాయిలో జరుగుతోంది. మొదట ఈ చిత్రాన్ని అక్టోబర్ 23న విడుదల చేద్దాం అనుకున్నారు. కానీ కరోనా వైరస్ మహమ్మారి వల్ల ఏర్పడిన లాక్ డౌన్ తో ఈ చిత్రం షూటింగ్ ప్లాన్ మొత్తం మారిపోయింది. 5 నెలల పాటు ‘కె.జి.ఎఫ్2’ షూటింగ్ ఆగిపోయింది. కరోనా వైరస్ హడావిడి ఏమాత్రం తగ్గని నేపథ్యంలో ఈ చిత్రం షూటింగ్ ఇప్పట్లో మొదలుకాదని అంతా అనుకున్నారు.
కానీ నిన్ననే అంటే ఆగష్ట్ 20నే ఈ చిత్రం షూటింగ్ ను తిరిగి ప్రారంభించినట్టు దర్శకుడు ప్రశాంత్ నీల్ తన సోషల్ మీడియా ద్వారా ప్రకటించాడు. విలన్ అధీరా పాత్ర పోషిస్తున్న సంజయ్ దత్ సన్నివేశాలు కాకుండా.. ఈ బ్యాలన్స్ షూటింగ్ ను ఫినిష్ చెయ్యాలని ‘కె.జి.ఎఫ్’ యూనిట్ భావిస్తుంది. ఏమైనా కరోనా విజంభిస్తున్న ఈ తరుణంలో కూడా ‘కె.జి.ఎఫ్2’ వంటి పెద్ద సినిమా షూటింగ్ ను ప్రారంభించడం అంటే డేరింగ్ స్టెప్ అనే చెప్పాలి.
Most Recommended Video
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?
