మరో వారం రోజుల్లో విడుదల కానున్న కేజీఎఫ్2 సినిమాపై భారీస్థాయిలో అంచనాలు నెలకొన్న సంగతి తెలిసిందే. కేజీఎఫ్ ఛాప్టర్1 సినిమాతో పోల్చి చూస్తే కేజీఎఫ్ ఛాప్టర్2 సినిమాకు ఎన్నో ప్రత్యేకతలు ఉన్నాయి. సంజయ్ దత్, రవినా టాండన్ ఈ సినిమాలో కీలక పాత్రల్లో నటించారు. భాషతో సంబంధం లేకుండా అన్ని భాషల్లో రికార్డు స్థాయి స్క్రీన్లలో ఈ సినిమా రిలీజ్ కానుందని సమాచారం అందుతోంది. అయితే కేజీఎఫ్2 మూవీలో కట్టప్ప తరహా ట్విస్ట్ ఉండనుందని తెలుస్తోంది.
ఈ సినిమాలో రీనా పాత్రలో నటించిన శ్రీనిధి శెట్టి ఒక ఇంటర్వ్యూలో మాట్లాడుతూ ఈ సినిమాకు సంబంధించిన ఆసక్తికర విషయాలను వెల్లడించారు. 2 గంటల 48 నిమిషాల నిడివితో ఈ సినిమా రిలీజ్ కానుండగా ఈ సినిమాకు సెన్సార్ సభ్యులు యూ/ఏ సర్టిఫికెట్ ఇచ్చారు. కరోనా వల్ల కేజీఎఫ్ ఛాప్టర్2 ఆలస్యమైందని మూడుసార్లు రిలీజ్ డేట్ మారిందని శ్రీనిధి అన్నారు. కేజీఎఫ్2 ట్రైలర్ గత రికార్డులను బ్రేక్ చేయడం సంతోషాన్ని కలిగిస్తోందని ఆమె తెలిపారు.
కేజీఎఫ్2 లో నటించిన తాను మరే సినిమాకు గ్రీన్ సిగ్నల్ ఇవ్వలేదని కుటుంబ సభ్యులు ఈ విషయం గురించి అడుగుతున్నా తాను ఓపిక ముఖ్యమని చెబుతున్నానని శ్రీనిధి వెల్లడించారు. ప్రేక్షకులకు ఆశ్చర్యం కలిగించేలా కేజీఎఫ్ ఛాప్టర్2 లో తన పాత్ర ఉంటుందని ఆమె చెప్పుకొచ్చారు. అధీర పాత్రకు, రమీకా సేన్ పాత్రకు తన పాత్రతో ఉండే సంబంధం ప్రేక్షకుల్ని ఆశ్చర్యపోయేలా చేస్తుందని ఆమె తెలిపారు. ఈ సినిమాలో కట్టప్ప తరహా ట్విస్ట్ ఉందని ఆమె చెప్పకనే చెప్పేశారు.
ఆ పాత్రలతో తనకు ఉన్న సంబంధం ఆరేళ్లుగా దాచిన రహస్యమని శ్రీనిధి కామెంట్లు చేశారు. ప్రేక్షకులు రీనా పాత్రకు ఆ పాత్రకు సంబంధించిన ఎమోషన్లకు కనెక్ట్ అవుతారని శ్రీనిధి పేర్కొన్నారు. రికార్డు స్థాయి స్క్రీన్లలో కేజీఎఫ్2 సినిమా రిలీజ్ కానుండగా ఈ సినిమాకు హిట్ టాక్ వస్తే ఆర్ఆర్ఆర్ హవాకు బ్రేకులు పడతాయి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
