సాధారణంగా సినిమా ఇండస్ట్రీలో పండగ సమయంలో పెద్ద ఎత్తున సినిమాలు విడుదలవుతూ బాక్స్ ఆఫీస్ వద్ద నువ్వా నేనా అంటూ పోటీ పడుతూ ఉంటారు. ఈ క్రమంలోనే సంక్రాంతి పండుగను పెద్ద ఎత్తున హీరోలందరూ టార్గెట్ చేస్తున్నట్టు తెలుస్తోంది.ఇప్పటికే సంక్రాంతి రేసులో ఎంతోమంది స్టార్ హీరోలు పోటీ పడుతుండగా తాజాగా మరొక హీరో నేను కూడా వస్తున్నా అంటూ తన సినిమాని అనౌన్స్ చేశారు. ఇక తెలుగులో భారీ బడ్జెట్ సినిమాలు కూడా సంక్రాంతికి విడుదలవుతున్నాయి.
ఈ క్రమంలోనే కోలీవుడ్ ఇండస్ట్రీలో అగ్ర హీరోలుగా ఎంతో పేరు ప్రఖ్యాతలు సంపాదించుకున్న అజిత్ విజయ్ సినిమాల మధ్య ఎలాంటి పోటీ ఉంటుందో అందరికీ తెలిసిందే. ఇద్దరి హీరోల అభిమానుల మధ్య పచ్చగడ్డి వేసిన భగ్గుమనేలా వివాదాలు చెలరేగుతూ ఉంటాయి.ఎలాంటి కారణం లేకుండానే సోషల్ మీడియా వేదికగా ఇద్దరు హీరోల అభిమానులు పెద్ద ఎత్తున సోషల్ మీడియా వార్ ప్రకటిస్తూ ఉంటారు. ఇక ఈ హీరోల సినిమాలు విడుదల అయితే ఇద్దరు హీరోల అభిమానులు చేసే హంగామా మామూలుగా ఉండదు.
ఈ విధంగా ఈ హీరోల నటించిన సినిమాలు ఒక్కొక్కరి సినిమా ఒక్కోసారి విడుదల అయితేనే అభిమానుల మధ్య మాటల యుద్ధం నడుస్తుంది. అలాంటిది 9 సంవత్సరాల తర్వాత ఈ ఇద్దరు హీరోలు ఒకేసారి సినిమాలను విడుదల చేస్తున్నట్లు ప్రకటించడంతో ఇప్పటికే ఇద్దరు హీరోల అభిమానుల మధ్య చిన్నపాటి యుద్ధం మొదలైందని తెలుస్తోంది. విజయ్ వంశీ పైడిపల్లి దర్శకత్వంలో తెరకెక్కిన వరిసు చిత్రాన్ని వచ్చే ఏడాది సంక్రాంతి కానుకగా విడుదల చేయబోతున్నట్లు చిత్ర బృందం ఎప్పుడో ప్రకటన విడుదల చేశారు.
ఈ క్రమంలోనే తాజాగా అజిత్, వలి మై డైరెక్టర్ హెచ్ వినోద్ దర్శకత్వంలో తెరకెక్కిన తునివు సినిమాలు రెండో కూడా సంక్రాంతికి విడుదల కాబోతున్నట్లు ప్రకటించారు. ఇలా తొమ్మిది సంవత్సరాల క్రితం అజిత్ వీరమ్, విజయ్ జిల్లా తర్వాత ఈ ఇద్దరూ సంక్రాంతికి రేస్ లోకి దిగుతున్నారు.ఇలా ఇద్దరు హీరోలు సంక్రాంతి బరిలో ఉండటంతో అభిమానుల మధ్య ఇప్పటికే పోటీ ఏర్పడటంతో మా హీరో గొప్ప అంటే మా హీరో సినిమా హిట్ అవుతుంది అంటూ పోస్టులు చేస్తున్నారు. నిజంగానే ఇద్దరు హీరోల సినిమాలు సంక్రాంతి బరిలో దిగితే అభిమానుల మధ్య పెద్ద ఎత్తున గొడవలు చోటు చేసుకుంటాయని తమిళ సినీ నిపుణులు అభిప్రాయం వ్యక్తం చేస్తున్నారు.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
