స్టార్ డైరెక్టర్ రాజమౌళి సినిమాల విషయంలో చాలాసార్లు కొన్ని సన్నివేశాలు కాపీ అంటూ ట్రోల్స్ వచ్చాయి. అయితే జక్కన్న మాత్రం ఆ ట్రోల్స్ ను అస్సలు పట్టించుకోరు. బాహుబలి, బాహుబలి2 సినిమాల విషయంలో ఈ ట్రోల్స్ గురించి మరింత ఎక్కువగా చర్చ జరిగింది. అయితే ఆర్ఆర్ఆర్ సినిమా విషయంలో కూడా జక్కన్నపై కాపీ అంటూ ట్రోల్స్ వస్తున్నాయి. కొమురం భీముడో సాంగ్ విషయంలో ప్రధానంగా ఈ కామెంట్లు వినిపిస్తున్నాయి. కేఎస్ రవికుమార్ డైరెక్షన్ లో కమల్ హాసన్ హీరోగా తెరకెక్కిన దశావతారం సినిమాలో రాయిని మాత్రం సాంగ్ లో కమల్ హాసన్ ను చిత్రహింసలకు గురి చేస్తారనే సంగతి తెలిసిందే.
ఆ సాంగ్ ను స్పూర్తిగా తీసుకుని జక్కన్న కొమురం భీముడో సాంగ్ ను డిజైన్ చేసినట్టు ఫ్యాన్స్ కామెంట్లు చేస్తున్నారు. అయితే ఎన్టీఆర్ అభిమానులు మాత్రం ఆ సాంగ్ కు ఈ సాంగ్ కు పోలికలు ఉన్నంత మాత్రాన కాపీ అనడం కరెక్ట్ కాదని చెబుతున్నారు. ఆర్ఆర్ఆర్ రాజమౌళి గత సినిమాలకు భిన్నంగా తెరకెక్కింది. సాధారణంగా జక్కన్న సినిమాలలో హీరోయిన్ల పాత్రలతో పాటు విలన్ పాత్రలను బలంగా ఉండే విధంగా జాగ్రత్తలు తీసుకుంటారు.
అయితే ఆర్ఆర్ఆర్ సినిమా విషయంలో మాత్రం రాజమౌళి భిన్నంగా వ్యవహరించారు. ఇద్దరు హీరోల పాత్రలను బలంగా రాసుకొని ఇద్దరి హీరోలకు సంబంధించిన సన్నివేశాలతోనే కథ నడిపించారు. ఆర్ఆర్ఆర్ సక్సెస్ తో జక్కన్న కూడా చాలా సంతోషిస్తున్నారని తెలుస్తోంది. హిందీలో కూడా ఈ సినిమా అద్భుతమైన కలెక్షన్లను సొంతం చేసుకుంటూ ఉండటం గమనార్హం. బాహుబలి2 రెండో రోజున తెలుగు రాష్ట్రాల్లో సాధించిన కలెక్షన్లను ఆర్ఆర్ఆర్ మూవీ నైజాం ఏరియా కలెక్షన్లతోనే బ్రేక్ చేసిందని తెలుస్తోంది.
ఆర్ఆర్ఆర్ సక్సెస్ తో తారక్, చరణ్ అభిమానులు తెగ సంతోషిస్తున్నారు. రాజమౌళి ఈ కాపీ ఆరోపణల విషయంలో ఎలా స్పందిస్తారో చూడాలి.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
