టాలీవుడ్ సూపర్ స్టార్ మహేష్ బాబు హీరోగా నటిస్తున్న ‘సర్కారు వారి పాట’ షూటింగ్ ఒక పాట మినహా షూటింగ్ మొత్తం పూర్తయింది. మైత్రి మూవీ మేకర్స్’ ’14 రీల్స్ ప్లస్’ సంస్థలు కలిసి నిర్మిస్తున్న ఈ చిత్రానికి మహేష్ బాబు కూడా సహ నిర్మాతగా వ్యవహరిస్తున్నారు. ఇప్పటికే విడుదల చేసిన ఫస్ట్ లుక్ మరియు రెండు పాటలకి ప్రేక్షకుల నుండీ మంచి రెస్పాన్స్ లభించింది. గ్లింప్స్ కూడా సూపర్ రెస్పాన్స్ ను సొంతం చేసుకుంది.
ఈ చిత్రంలో మహేష్ బాబు లుక్.. ‘పోకిరి’ రోజులను గుర్తు చేస్తుండడంతో… అభిమానులకి మంచి ఫీస్ట్ గ్యారెంటీ అని అంతా అనుకుంటున్నారు.మహేష్ కూడా ఈ విషయాన్ని ఎన్టీఆర్ ‘ఎవరు మీలో కోటీశ్వరులు’ షోలో చెప్పుకొచ్చాడు. దీంతో ఈ సినిమా పై అంచనాలు భారీగానే ఉన్నాయి. బ్యాంకింగ్ కుంభకోణాల నేపథ్యంలో తెరకెక్కుతున్న మూవీ ఇది.మంచి సందేశం కూడా ఉంటుందట. పరశురామ్(బుజ్జి) ఈ చిత్రానికి దర్శకుడు. అయితే ఈ మూవీ విషయంలో మహేష్ చాలా సిన్సియర్ గా వ్యవహరిస్తున్నాడట.
తాజాగా ఈ మూవీని దర్శకుడు కొరటాల శివకి చూపించారట. మైత్రి వారితో పాటు మహేష్, పరశురామ్ లు కూడా మహేష్ కు అత్యంత సన్నిహితులు అన్న సంగతి తెలిసిందే. ఆ చనువుతోనే ఈ మూవీని కొరటాలకి చూపించారట. ఆయన కొన్ని మార్పులు సూచించడం కూడా జరిగిందట. వాటిని చక్కదిద్దే పనుల్లో ఇప్పుడు చిత్ర బృందం ఉన్నట్టు తెలుస్తుంది.సమ్మర్ కానుకగా మే 12న ఈ మూవీ విడుదల కాబోతుంది. కీర్తి సురేష్ హీరోయిన్ గా నటిస్తున్న ఈ మూవీకి తమన్ సంగీతం అందిస్తుండగా.. మది సినిమాటోగ్రఫీ అందిస్తున్నారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
