టాలీవుడ్‌ లో మహేష్ బాబు ‘1 నేనొక్కడినే’ సినిమా తో హీరోయిన్‌ గా ఎంట్రీ ఇచ్చిన ముద్దుగుమ్మ కృతి సనన్. తెలుగు లో ఈ అమ్మడికి మొదటి సినిమా తో నిరాశ మిగిలింది. ట్రై చేస్తే మరికొన్ని సినిమాలు తెలుగు లో దక్కేవేమో. కానీ ఆమె తెలివిగా బాలీవుడ్ వైపు అడుగులు వేసింది. అక్కడ మెల్ల మెల్లగా కెరీర్‌ సాగింది. ఈ మధ్య కాలంలో ఈమె జోరు పెంచింది. తాజాగా ఆలియా భట్ తో కలిసి జాతీయ అవార్డు ను దక్కించుకున్న కృతి సనన్ ఒక ఇంటర్వ్యూ లో ఆసక్తికర వ్యాఖ్యలు చేసింది.
తన కెరీర్‌ ప్రారంభ రోజుల్లో ఎదుర్కొన్న ఇబ్బందులను కృతి తాజాగా ఓ ఇంటర్వ్యూలో తెలిపారు. ర్యాంప్ వాక్‌ సమయంలో ఓ కొరియోగ్రాఫర్‌ తనతో దురుసుగా ప్రవర్తించారంటూ నాటి చేదు అనుభవాన్ని గుర్తుచేసుకున్నారు. ‘‘కెరీర్‌లో అవకాశాలు రాకపోతే ఉన్నత చదువులను కొనసాగించాలని ఇండస్ట్రీకి రాకముందే నిర్ణయించుకున్నా. అందుకే ఒకవైపు మోడలింగ్‌ చేస్తూనే మరోవైపు పోటీ పరీక్షలకు శిక్షణ తీసుకునేదాన్ని. నా (Kriti Sanon) మొదటి ర్యాంప్ వాక్‌లో ఎదుర్కొన్న చేదు అనుభవం నాకిప్పటికీ గుర్తుంది.
మోడలింగ్‌లోకి అడుగుపెట్టిన తొలినాళ్లలో అక్కడి వాతావరణం, వ్యక్తుల గురించి నాకు పెద్దగా తెలియదు. దీంతో నేను కాస్త గందరగోళానికి గురయ్యాను. ఒకరోజు హైహీల్స్‌ వేసుకుని గడ్డిలో నడవాల్సి వచ్చింది. ఆ చెప్పులు గడ్డిలో కూరుకుపోయి ఇబ్బంది పడ్డాను. దీంతో అక్కడే ఉన్న కొరియోగ్రాఫర్‌ దురుసుగా ప్రవర్తించింది. అందరి ముందు నన్ను దారుణంగా తిట్టింది. ఆ సమయంలో నాకు కన్నీళ్లు ఆగలేదు. కానీ, నేను దేనికీ వెనుకడుగు వేయను’’ అంటూ అప్పటి రోజులను గుర్తుచేసుకున్నారు. అలా ప్రవర్తించిన కొరియోగ్రాఫర్‌తో మరోసారి పనిచేయలేదని తెలిపారు.
ఇక ఈమె ఆదిపురుష్ సినిమాతో ప్రేక్షకుల ముందుకు వచ్చిన విషయం తెల్సిందే. ఈ మధ్య కాలంలో బాలీవుడ్ స్టార్‌ హీరోలకు మోస్ట్‌ వాంటెడ్‌ హీరోయిన్‌ గా వరుస సినిమాలు చేస్తూ దూసుకు పోతున్న ముద్దుగుమ్మ కృతి సనన్ ముందు ముందు సౌత్ సినిమాల్లో, పాన్ ఇండియా సినిమాలో నటించే ఉద్దేశ్యంతో ఉన్నట్లు చెప్పుకొచ్చింది.
మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!
సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!
