ఈ మధ్య కాలంలో భాషతో సంబంధం లేకుండా స్టార్ హీరోల సినిమాలు థియేటర్లలో రీరిలీజ్ అవుతున్నాయి. అయితే పెద్ద హీరోల సినిమాలు గతంలో రీరిలీజ్ అయిన సమయంలో వచ్చిన స్థాయిలో ఇప్పుడు మాత్రం రెస్పాన్స్ రావడం లేదు. ఈ మధ్య కాలంలో స్టార్ హీరోల కొన్ని రీరిలీజ్ సినిమాలు నామమాత్రపు స్థాయిలో సైతం కలెక్షన్లను సాధించడంలో ఫెయిల్ అవుతుండటం గమనార్హం. అయితే విజయ్ (Vijay Thalapathy) నటించిన గిల్లీ (Ghilli) సినిమా తమిళనాడు రాష్ట్రంలో రీరిలీజ్ కావడంతో పాటు కలెక్షన్ల విషయంలో చరిత్ర సృష్టించింది.
న్యూ ఇయర్ వీకెండ్ లో రిలీజైన ఖుషి (Kushi) మూవీ ఆ సమయంలో 7.46 కోట్ల రూపాయల గ్రాస్ కలెక్షన్లను సొంతం చేసుకోగా గిల్లీ మూవీ రీరిలీజ్ ఫస్ట్ డే కలెక్షన్లు ఏకంగా 7.92 కోట్ల రూపాయలు కావడం హాట్ టాపిక్ అవుతోంది. ఓవర్సీస్ లో కూడా ఈ సినిమా రీరిలీజ్ అయ్యి మంచి రెస్పాన్స్ ను అందుకుంది.
పవన్ (Pawan Kalyan) మూవీ రీరిలీజ్ టోటల్ కలెక్షన్లు గిల్లీ ఒక్కరోజులోనే బ్రేక్ చేయగా గిల్లీ ఫుల్ రన్ కలెక్షన్లు ఏ రేంజ్ లో ఉండబోతున్నాయో చూడాల్సి ఉంది. విజయ్ సినిమాలకు దూరమై రాజకీయాలకు పరిమితం అవుతానని చేసిన ప్రకటన నేపథ్యంలో అభిమానులు విజయ్ రీరిలీజ్ సినిమా సైతం సరికొత్త రికార్డులు సెట్ చేసేలా కష్టపడ్డారని సమాచారం అందుతోంది. గిల్లీ ఖాతాలో అరుదైన రికార్డులు విజయ్ ఫ్యాన్స్ కు సంతోషాన్ని కలిగిస్తున్నాయి.
విజయ్ ఇప్పటికే గ్రీన్ సిగ్నల్ ఇచ్చిన సినిమాల షూటింగ్ శరవేగంగా జరుగుతోందని తెలుస్తోంది. రెమ్యునరేషన్ పరంగా కూడా టాప్ లో ఉన్న విజయ్ రాజకీయాల్లో ఏ స్థాయిలో సక్సెస్ అవుతారో చూడాల్సి ఉంది. భవిష్యత్తులో సీఎం కావాలని విజయ్ కలలు కంటుండగా ఆ కల నిజమవుతుందో లేదో చూడాలి. విజయ్ రాజకీయాల్లో సక్సెస్ కాకపోతే మాత్రం ఏం చేస్తారో తెలియాల్సి ఉంది.
