నందమూరి మరియు నారా కుటుంబ సభ్యులకి ఏమాత్రం ఇష్టం లేకుండా.. వారిని విమర్శించే విధంగా ‘లక్ష్మీస్ ఎన్టీఆర్’ చిత్రాన్ని తెరకెక్కించాడు రాంగోపాల్ వర్మ. ఈ చిత్రంతో వారి పై ఎక్కువ సెటైర్ లు వేసాడనే చెప్పాలి. అయితే ఈ చిత్రంలో ఎన్టీఆర్ పాత్ర పోషించిన నటుడు విజయ్ కుమార్ కు నందమూరి బాలకృష్ణ సహాయం చేశారని గత రెండు రోజుల నుండీ సోషల్ మీడియాలో వార్తలు వినిపిస్తున్నాయి. విజయ్ కుమార్ భార్య క్యాన్సర్ తో బాధ పడుతున్నతరుణంలో… బాలకృష్ణ తన బసవతారకం హాస్పిటల్ లో ఉచితంగా ట్రీట్మెంట్ ఇప్పిస్తున్నారని… ‘బాలయ్య గోల్డ్’ అంటూ ఆయన అభిమానులు సోషల్ ఇండియాలో పెద్ద ఎత్తున వైరల్ అయ్యేలా చేశారు.
అయితే ఈ వార్తల్లో నిజం లేదంటూ విజయ్ కుమార్ స్పందించారు. ఆయన మాట్లాడుతూ… “నా భార్యకి రొమ్ము క్యాన్సర్ వచ్చిన మాట నిజమే..! ట్రీట్మెంట్ ఎలా చేయించాలనే విషయమై నా స్నేహితుల వద్ద ప్రస్తావించగా.. ఏలూరులోని ఆశ్రమ హాస్పిటల్ లో చేర్పించమని వారు సూచించారు. అక్కడ చికిత్స పూర్తయిన తరువాత … కీమో థెరపీ నిమిత్తం బసవతారకం హాస్పిటల్ కి తీసుకొచ్చాము. ‘బసవతారకం’ హాస్పిటల్ కు తీసుకొచ్చిన సంగతి నా స్నేహితులకు తప్ప మరెవరికీ తెలియదు. అలాంటిది ఈ వార్తలు ఎలా పుట్టుకొచ్చాయో అర్ధం కావడం లేదు. నేను చిన్నప్పటి నుండీ ఎన్టీఆర్ కి వీరాభిమానిని. అన్నగారి సినిమాలు చూస్తూ పెరిగాను.. రంగస్థలం పై ఆయన వేషాలు వేసి ‘రంగస్థల ఎన్టీఆర్’ గా గుర్తింపు తెచ్చుకున్నాను. ఆయన కొడుకు బాలయ్య పై నాకు గౌరవం ఉంది.. కానీ ఎప్పుడూ బాలయ్యని కలవలేదు. బాలయ్య నుండీ నాకు ఎలాంటి సహాయం అందలేదు. బహుశా ఆయనకి తెలిసి ఉంటే కచ్చితంగా నాకు సహాయం చేసేవారేమో” అంటూ బాలయ్య అభిమానుల గాలి తీసేసారు.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
