డ్యాన్స్ మాస్టర్ కమ్ యాక్టర్ కమ్ డైరెక్టర్ కమ్ ప్రొడ్యూసర్ కమ్ సోషల్ యాక్టివిస్ట్ లారెన్స్ కు విశేషంగా అచ్చోచ్చిన సిరీస్ “కాంచన”. ఇప్పటికీ ఈ సిరీస్ లో నాలుగు సినిమాలోచ్చాయి. అవన్నీ బాక్సాఫీస్ వద్ద అదరగొట్టిన సినిమాలే. ఆ సినిమాకి కంటిన్యూషన్ గా ఇప్పుడు మరో సినిమా తెరకెక్కిస్తున్నాడు లారెన్స్. ఎప్పట్లానే తానే కథానాయకుడిగా నటించనున్న ఈ చిత్రంలో ఎలాగూ ఓ సూపర్ క్యూట్ హీరోయిన్ నటించడం ఖాయమనుకోండి. అయితే.. ఈ సినిమా ఇటీవల షూటింగ్ మొదలైంది. అప్పుడే సినిమా తెలుగు డబ్బింగ్ రైట్స్ రికార్డ్ రేట్ కి అమ్ముడైంది.
ప్రముఖ తెలుగు నిర్మాత లగడపాటి శ్రీధర్ ఈ సినిమా తెలుగు డబ్బింగ్ రైట్స్ ను ఏకంగా 13 కోట్ల రూపాయలకు సొంతం చేసుకొన్నారట. అది కూడా శాటిలైట్ రేట్స్ మినహాయించి. ఎంత నమ్మకం లేకపోతే అంత ఎమౌంట్ పెట్టి రిస్క్ చేస్తారు చెప్పండి. అయితే.. హారర్ సినిమాలకు ప్రస్తుతం ఉన్న క్రేజ్ ను దృష్టిలో పెట్టుకొంటే ఆమాత్రం కలెక్షన్స్ రాబట్టడం అంత కష్టమేమీ కాదనిపిస్తుంది. ఏదేమైనా.. ఇదే స్పీడ్ తో లారెన్స్ మరో నాలుగైదు కాంచనలు తెరకెక్కించేలా ఉన్నాడు.
