సూపర్ స్టార్ మహేష్ బాబు ప్రస్తుతం పరశురామ్ దర్శకత్వంలో ‘సర్కారు వారి పాట’ అనే సినిమాలో నటిస్తోన్న సంగతి తెలిసిందే. ఈ సినిమా షూటింగ్ దుబాయ్ లో జరుగుతోంది. మహేష్ తో పాటు హీరోయిన్ కీర్తి సురేష్ కూడా ఈ షూటింగ్ లో పాల్గొంటుంది. తాజాగా మహేష్ షార్జాలో షూటింగ్ ఫోటోలను అభిమానులతో పంచుకున్నాడు. 25 రోజుల పాటు దుబాయ్ లో ఈ షెడ్యూల్ జరగనుంది. మైత్రీ మూవీ మేకర్స్, 14 రీల్స్ ఎంటర్‌టైన్స్‌మెంట్స్, జీఎమ్బీ ఎంటర్‌టైన్స్‌మెంట్స్ బ్యానర్లు సంయుక్తంగా భారీ బడ్జెట్‌తో ఈ సినిమాను నిర్మిస్తున్నాయి.
ఇదిలా ఉండగా.. ఈ సినిమా తరువాత మహేష్ తో సినిమా చేయడానికి చాలా మంది దర్శకనిర్మాతలు ప్లాన్ చేస్తున్నారు. అగ్ర నిర్మాత దిల్ రాజు చాలా రోజులుగా మహేష్ తో సినిమా లాక్ చేయాలనుకుంటున్నాడు. దీనికోసం ఆయన దుబాయ్ కి వెళ్లినట్లు తెలుస్తోంది. రెండు రోజుల పాటు అక్కడే ఉండి మహేష్ సినిమా ఓకే చేయించుకొని రావాలని చూస్తున్నారు. అలానే కొరటాల శివ.. వెంకీ కుడుములతో కలిసి మహేష్ సినిమా స్టోరీపై వర్క్ చేస్తున్నారు.
త్వరలోనే వీళ్లు కూడా దుబాయ్ వెళ్లనున్నట్లు టాక్. వీరితో పాటు కొందరు మేకర్లు దుబాయ్ వెళ్లి ‘సర్కారు వారి పాట’ సినిమా సెట్ లో మహేష్ ని కలవాలని అనుకుంటున్నారు. ప్రస్తుతానికి మహేష్ కి తన తదుపరి సినిమా విషయంలో ఎలాంటి తొందర లేదు. కాబట్టి తన వద్దకు వచ్చే కథలన్నీ విని బెస్ట్ కథను ఎన్నుకోవాలనుకుంటున్నాడు.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
