టాలీవుడ్ సూపర్ స్టార్ మహేష్ బాబు(Mahesh Babu) కెరీర్ పరంగా ఎంత బిజీగా ఉన్నా కుటుంబానికి సైతం ఎక్కువగానే ప్రాధాన్యత ఇస్తారనే సంగతి తెలిసిందే. కొడుకు గౌతమ్ కృష్ణకు మహేష్ బాబు పుట్టినరోజు శుభాకాంక్షలు తెలియజేయగా ఇన్ స్టాగ్రామ్ పోస్ట్ నెట్టింట తెగ వైరల్ అవుతోంది. మహేష్ బాబు ఇన్ స్టా పోస్ట్ కు ఏకంగా 4 లక్షలకు పైగా లైక్స్ వచ్చాయి. ” గౌతమ్ కు 18వ పుట్టినరోజు శుభాకాంక్షలు.. ఈ సమయాన్ని ఆస్వాదించడంతో పాటు ఆనందంగా జీవించు..
నేను నిన్ను ఎప్పటికీ ప్రేమిస్తూనే ఉంటాను.. నీకు తండ్రిని అయినందుకు నేను చాలా గర్వపడుతున్నాను” అని పేర్కొన్నారు. గౌతమ్ కృష్ణ కెరీర్ పరంగా ఎంతో ఎత్తుకు ఎదిగి ఎన్నో విజయాలను సొంతం చేసుకోవాలని మహేష్ బాబు ఆకాంక్షించారు. 2006 సంవత్సరం ఆగష్టు 31వ తేదీన గౌతమ్ కృష్ణ జన్మించారు. నమ్రత సైతం గౌతమ్ కు సోషల్ మీడియా ద్వారా పుట్టినరోజు శుభాకాంక్షలు తెలియజేయడంతో పాటు గౌతమ్ అనుకున్న లక్ష్యాలను సాధించి ఎల్లప్పుడూ సంతోషంగా ఉండాలని పేర్కొన్నారు.
మహేష్, నమ్రత తల్లీదండ్రులుగా కొడుకుపై ఉన్న ప్రేమను సోషల్ మీడియా పోస్టుల ద్వారా చాటుకున్నారు. మహేష్ బాబు ప్రస్తుతం రాజమౌళి సినిమాకే పూర్తిస్థాయిలో పరిమితం అయ్యారు. మహేష్ రాజమౌళి (S. S. Rajamouli) కాంబో మూవీ అప్ డేట్స్ రాకపోవడంతో అభిమానులు మాత్రం ఒకింత నిరాశకు గురవుతున్నారు. మహేష్ జక్కన్న కాంబో ఇండస్ట్రీని షేక్ చేసే కాంబో కాగా ఈ సినిమా నుంచి అధికారికంగా అప్ డేట్స్ రావాలంటే మరికొన్ని నెలలు ఎదురుచూపులు తప్పవని తెలుస్తోంది.
ఈ సినిమా బడ్జెట్ గురించి తరచూ ఎన్నో వార్తలు ప్రచారంలోకి వస్తున్నాయి. ఇండస్ట్రీ స్థాయిని పెంచే సినిమాలలో ఈ సినిమా ఒకటని చెప్పడంలో సందేహం అక్కర్లేదు. రాజమౌళి సినిమాలో మహేష్ బాబు లుక్స్ నెక్స్ట్ లెవెల్ లో ఉంటాయని తెలుస్తోంది.
