ఈ లాక్ డౌన్ టైములో టాలీవుడ్ సూపర్ స్టార్ మహేష్ బాబు తన పూర్తి సమయాన్ని తన ఫ్యామిలీకే కేటాయిస్తూ వస్తున్నాడు. కూతురు సితార, కొడుకు గౌతమ్ లతో కలిసి ఆటలు ఆడటం అలానే స్విమ్మింగ్ పూల్ లో పోటీలు పెట్టుకోవడంతో పాటు.. పలు సినిమాలు, వెబ్ సిరీస్ ల వంటివి చూస్తూ కాలక్షేపం చేస్తూ వస్తున్నాడు. ఎలాగూ తాను షూటింగ్ లో జాయిన్ అవ్వడానికి మరో 3నెలల వరకూ సమయం పడుతుంది కాబట్టి.. ప్రస్తుతం ఓటిటిలలో విడుదలయ్యే సినిమాలు, వెబ్ సిరీస్ లు కూడా చూస్తూ వస్తున్నాడట.
ఇటీవల విడుదలైన జర్మన్ బేస్డ్ వెబ్ సిరీస్ ‘డార్క్’ పై సూపర్ స్టార్ మహేష్ తన అభిప్రాయాన్ని సోషల్ మీడియాలో షేర్ చేసాడు. ‘ఇటీవల చూసిన వెబ్ సిరీస్ లలో నన్ను బాగా ఆకట్టుకుంది ‘డార్క్’. అద్భుతమైన కథ, కథనాలతో ఆకట్టుకునే స్క్రిప్ట్ తో చాలా బాగా చిత్రీకరించారు.సాధ్యమైతే మీరు కూడా చూడండి’ అంటూ మహేష్ బాబు ట్వీట్ చేశాడు.మహేష్ ఇలా షార్ట్ రివ్యూ ఇవ్వడంతో ‘డార్క్’ కు మరింత ఆదరణ పెరుగుతుంది.
‘టైమ్ ట్రావిలింగ్’ కథాంశంతో ఈ వెబ్ సిరీస్ ను రూపొందించారు.ఇందులో ఇద్దరు టీనేజ్ పిల్లలు మాయమైపోతారు. దాంతో వారి కుటుంబాలు టెన్షన్ పడుతూ వారికోసం గాలిస్తూ ఉంటారు . ఈ నేపథ్యంలో వచ్చే ప్లాష్ బ్యాక్ లు చాలా ఆకట్టుకుంటాయి. మహేష్ బాబు కేవలం తన సినిమాల పైనే కాకుండా తనకు నచ్చితే ఏ సినిమా గురించైనా ట్వీట్ చేస్తుంటాడన్న సంగతి తెలిసిందే.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
