ఇది వరకు సూపర్ స్టార్ మహేష్ బాబుని ఎక్స్ పెరిమెంట్ లకు ‘కేర్ ఆఫ్ అడ్రెస్’ గా చెప్పుకునే వారు. అయితే ‘బ్రహ్మోత్సవం’ ‘స్పైడర్’ ల దెబ్బకు ఎక్స్ పెరిమెంట్ లకు కాస్త దూరంగా ఉంటూ.. తన స్టార్ ఇమేజ్ ను కాపాడుకోవడానికి కమర్షియల్ హంగులు ఉన్న సినిమాలనే చేస్తూ వస్తున్నాడు మహేష్. ఈ క్రమంలో ‘భరత్ అనే నేను’ ‘మహర్షి’ ‘సరిలేరు నీకెవ్వరు’ వంటి హ్యాట్రిక్ హిట్లను సొంతం చేసుకున్నాడు. అయినప్పటికీ మహేష్..
తన అభిరుచికి తగిన ప్రయోగాత్మక సినిమాలను తాను చేయలేకపోయినా.. వేరే యంగ్ హీరోలతో.. లో బడ్జెట్ లో నిర్మించడానికి రెడీ అవుతున్న సంగతి తెలిసిందే. ‘జి.ఎం.బి ఎంటర్టైన్మెంట్స్’ సంస్థను స్థాపించి తన సినిమాలకు సహా నిర్మాతగా వ్యవహరిస్తూ వస్తున్న మహేష్..ఇప్పుడు యంగ్ హీరో అడివి శేష్ తో కూడా ‘మేజర్’ అనే సినిమాని నిర్మిస్తున్నాడు. ఈ చిత్రం షూటింగ్ దశలో ఉండగానే శర్వానంద్ తో కూడా ఓ సినిమా నిర్మించాలని ప్లాన్ చేస్తున్నాడట మహేష్.
ఇప్పటికే ఓ కథని లాక్ చేసి.. ఆ కథకు శర్వానంద్ అయితే కరెక్ట్ అని మహేష్ డిసైడ్ అయ్యాడట. ఇందులో భాగంగా శర్వాను కూడా సంప్రదించి కథ వినిపించే ఏర్పాటు చేసాడట. శర్వా కు కూడా ఈ కథ నచ్చిందట. శర్వానంద్.. తాను నటించే ప్రతీ సినిమాలోనూ ఏదో ఒక కొత్తదనం ఉండేలా చూసుకుంటాడు. మహేష్ కూడా కొత్త కథలకే ఓటేస్తాడు కాబట్టి.. ఈ కాంబినేషన్ సెట్ అవ్వడం గ్యారెంటీ అని ఇండస్ట్రీ టాక్.
Most Recommended Video
పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!
