స్టార్ హీరో మహేష్ బాబు, గీతా గోవిందం దర్శకుడు పరశురామ్ కాంబినేషన్ లో సర్కారు వారి పాట సినిమా తెరకెక్కుతున్న సంగతి తెలిసిందే. 2021 సంక్రాంతి టార్గెట్ గా షూటింగ్ జరుపుకుంటున్న ఈ సినిమాపై ప్రేక్షకుల్లో భారీగా అంచనాలు నెలకొనగా ఈ సినిమా మహేష్ కెరీర్ లో మరో బ్లాక్ బస్టర్ హిట్ గా నిలుస్తుందని మహేష్ ఫ్యాన్స్ భావిస్తున్నారు. మహేష్ కు జోడీగా ఈ సినిమాలో కీర్తి సురేష్ నటిస్తున్నారు.
తాజాగా ఈ సినిమా ఉత్తరాంధ్ర బిజినెస్ ను పూర్తి చేసుకుందని సమాచారం. ఈ సినిమా ఉత్తరాంధ్ర హక్కులు ఏకంగా 15 కోట్ల రూపాయలకు అమ్ముడయ్యాయని ఇండస్ట్రీ వర్గాల్లో ప్రచారం జరుగుతోంది. ఉత్తరాంధ్ర ఏరియాకు 15 కోట్ల రూపాయలు అంటే చాలా ఎక్కువ మొత్తం అనే చెప్పాలి. సినిమా రిలీజ్ కు ముందే మహేష్ సినిమా హక్కులు భారీ మొత్తానికి అమ్ముడవుతూ ప్రీ రిలీజ్ బిజినెస్ విషయంలో రికార్డులు క్రియేట్ చేస్తుండటం గమనార్హం. మైత్రీ మూవీ మేకర్స్, 14 రీల్ ఎంటర్టైన్మెంట్స్ సర్కారు వారి పాట సినిమాను సంయుక్తంగా నిర్మిస్తున్నాయి.
వరుస విజయాలతో జోరుమీదున్న థమన్ ఈ సినిమాకు సంగీతం అందిస్తున్నారు. సర్కారు వారి పాట సినిమా మిగతా ఏరియాల హక్కులు కూడా భారీ మొత్తానికి అమ్ముడయ్యే అవకాశాలు కనిపిస్తున్నాయి. ఈ సినిమాలో మహేష్ బ్యాంక్ ఆఫీసర్ రోల్ లో కనిపిస్తారని తెలుస్తోంది. సర్కారు వారి పాట సినిమా తరువాత మహేష్ బాబు త్రివిక్రమ్ దర్శకత్వంలో ఒక సినిమాలో, రాజమౌళి డైరెక్షన్ లో ఒక సినిమాలో నటించనున్నారు. త్రివిక్రమ్ డైరెక్షన్ లో తెరకెక్కే సినిమా షూటింగ్ ఈ ఏడాది మొదలు కానుండగా రాజమౌళి డైరెక్షన్ లో తెరకెక్కే సినిమా షూటింగ్ మాత్రం వచ్చే ఏడాది మొదలు కానుంది.
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
